Jas kәsipkerlerdi baspanamen qamtamasyz etetin baghdarlama qajet. «Nur Otan» partiyasynyng PRIMARIES - 2020 ishki partiyalyq irikteuine qatysushy Qayyrly Tauken saylaualdy baghdarlamasynyng negizgi baghyttarynyng birinde osy mәselege erekshe mәn berdi.

Elimizde qarapayym saudagerlerdi qoldau tetikteri әli tolyq sheshilgen joq. Esterinizde bolsa, toqsanynshy jyldary júmyssyzdyq jaylaghan shaqta júrt jappay bazar jaghalady. Osy kezde saudany serik etip, otbasyn asyraghandar az emes. Sol bir daghdarystyng yzghary batqan, әiel erge, er jerge qaraghan kýrdeli kezende halyq sauda jasap, nәpaqa tapty. Osy tústa bazardyn, jalpy sauda salasynyng qoghamdaghy alar orny turaly oilanatyn uaqyt kelgen siyaqty.

«Toqsanynshy jyldary sauda salasyndaghy kәsipkerler el ekonomikasynyng eselenuine edәuir ýles qosty. Múny úmytugha bolmaydy. Sauda salasy sol kezde qanday manyzgha ie bolsa, býgin de qoghamdaghy jәne ekonomikadagha róli kemigen joq. Mәselen, bir kәsipker kem degende eki nemese ýsh adamgha júmys beredi. Yaghni, ýsh otbasynyng kýn kóruine kómektesip otyr degen sóz. Sonymen qatar, kәsipkerler eldegi júmyssyzdyq dengeyining tómendeuine yqpal etedi. Sondyqtan, әsirese jas kәsipkerlerge memleket tarapynan qoldau kórsetu kerek», - deydi Qayyrly Tauken.

Kәsipker-mesenattyng aituynsha, eng aldymen jas kәsipkerlerding әleumettik mәselesin sheshu qajet.

«Auyldardan qalagha aghylyp kelip jatqan jastar jeterlik. Olardyng ishinde arnayy bilim almaghandary kóp. Qalagha kelgende qaydan júmys izdeydi? Áriyne, bazargha keledi. Arba sýireui mýmkin, tazalyq júmystarymen ainalysa ma, basqa ma, әiteuir nanyn tabady. Áueli bireuge satushy bolyp ornalasady, keyin saudanyng jolyn mengerip alghan son, óz aldyna jeke kәsipker bolyp ketedi. Biraq, jas kәsipkerler ýshin negizgi problema ne? Áriyne ol – baspana. Mysaly, byltyr «Jastar jyly» ayasynda Núr-Súltan, Almaty jәne Shymkent qalalarynyng júmysshy jastary 1 myng arendalyq pәtermen qamtylatyn boldy. Búl baghytqa jyl sayyn 7,2 mlrd tengeden, al ýsh jylda 21,6 mlrd tenge bólinetin boldy. Búl pilottyq joba sәtti iske assa tútas respublikany qamtityny aitylghan edi. Osynday jobagha sauda salasyndaghy jas kәsipkerding de qatysuyna mýmkindik berilui kerek. Bolmasa, memlekettik-jekemenshik әriptestik ayasynda jas kәsipkerler ýshin shaghyn otbasylyq ýlgidegi ýiler saluymyz kerek», - deydi Qayyrly Kenesbekúly.

Núr-Súltan qalasyndaghy kiristing 55%-ti shaghyn jәne orta biznesting esebinen tolatynyn eskersek, kәsipkerlerding salmaghy qanday ekenin angharu qiyn emes. Sondyqtan, praymerizge qatysushy Qayyrly Tauken jeniske jetse, aldymen jas kәsipkerlerding әleumettik mәselelerin kótermek.