جاس كاسىپكەرلەردى باسپانامەن قامتاماسىز ەتەتىن باعدارلاما قاجەت. «Nur Otan» پارتياسىنىڭ PRIMARIES - 2020 ىشكى پارتيالىق ىرىكتەۋىنە قاتىسۋشى قايىرلى تاۋكەن سايلاۋالدى باعدارلاماسىنىڭ نەگىزگى باعىتتارىنىڭ بىرىندە وسى ماسەلەگە ەرەكشە ءمان بەردى.

ەلىمىزدە قاراپايىم ساۋداگەرلەردى قولداۋ تەتىكتەرى ءالى تولىق شەشىلگەن جوق. ەستەرىڭىزدە بولسا، توقسانىنشى جىلدارى جۇمىسسىزدىق جايلاعان شاقتا جۇرت جاپپاي بازار جاعالادى. وسى كەزدە ساۋدانى سەرىك ەتىپ، وتباسىن اسىراعاندار از ەمەس. سول ءبىر داعدارىستىڭ ىزعارى باتقان، ايەل ەرگە، ەر جەرگە قاراعان كۇردەلى كەزەڭدە حالىق ساۋدا جاساپ، ناپاقا تاپتى. وسى تۇستا بازاردىڭ، جالپى ساۋدا سالاسىنىڭ قوعامداعى الار ورنى تۋرالى ويلاناتىن ۋاقىت كەلگەن سياقتى.

«توقسانىنشى جىلدارى ساۋدا سالاسىنداعى كاسىپكەرلەر ەل ەكونوميكاسىنىڭ ەسەلەنۋىنە ەداۋىر ۇلەس قوستى. مۇنى ۇمىتۋعا بولمايدى. ساۋدا سالاسى سول كەزدە قانداي ماڭىزعا يە بولسا، بۇگىن دە قوعامداعى جانە ەكونوميكاداعا ءرولى كەمىگەن جوق. ماسەلەن، ءبىر كاسىپكەر كەم دەگەندە ەكى نەمەسە ءۇش ادامعا جۇمىس بەرەدى. ياعني، ءۇش وتباسىنىڭ كۇن كورۋىنە كومەكتەسىپ وتىر دەگەن ءسوز. سونىمەن قاتار، كاسىپكەرلەر ەلدەگى جۇمىسسىزدىق دەڭگەيىنىڭ تومەندەۋىنە ىقپال ەتەدى. سوندىقتان، اسىرەسە جاس كاسىپكەرلەرگە مەملەكەت تاراپىنان قولداۋ كورسەتۋ كەرەك»، - دەيدى قايىرلى تاۋكەن.

كاسىپكەر-مەتسەناتتىڭ ايتۋىنشا، ەڭ الدىمەن جاس كاسىپكەرلەردىڭ الەۋمەتتىك ماسەلەسىن شەشۋ قاجەت.

«اۋىلداردان قالاعا اعىلىپ كەلىپ جاتقان جاستار جەتەرلىك. ولاردىڭ ىشىندە ارنايى ءبىلىم الماعاندارى كوپ. قالاعا كەلگەندە قايدان جۇمىس ىزدەيدى؟ ارينە، بازارعا كەلەدى. اربا سۇيرەۋى مۇمكىن، تازالىق جۇمىستارىمەن اينالىسا ما، باسقا ما، ايتەۋىر نانىن تابادى. اۋەلى بىرەۋگە ساتۋشى بولىپ ورنالاسادى، كەيىن ساۋدانىڭ جولىن مەڭگەرىپ العان سوڭ، ءوز الدىنا جەكە كاسىپكەر بولىپ كەتەدى. بىراق، جاس كاسىپكەرلەر ءۇشىن نەگىزگى پروبلەما نە؟ ارينە ول – باسپانا. مىسالى، بىلتىر «جاستار جىلى» اياسىندا نۇر-سۇلتان، الماتى جانە شىمكەنت قالالارىنىڭ جۇمىسشى جاستارى 1 مىڭ ارەندالىق پاتەرمەن قامتىلاتىن بولدى. بۇل باعىتقا جىل سايىن 7,2 ملرد تەڭگەدەن، ال ءۇش جىلدا 21,6 ملرد تەڭگە بولىنەتىن بولدى. بۇل پيلوتتىق جوبا ءساتتى ىسكە اسسا تۇتاس رەسپۋبليكانى قامتيتىنى ايتىلعان ەدى. وسىنداي جوباعا ساۋدا سالاسىنداعى جاس كاسىپكەردىڭ دە قاتىسۋىنا مۇمكىندىك بەرىلۋى كەرەك. بولماسا، مەملەكەتتىك-جەكەمەنشىك ارىپتەستىك اياسىندا جاس كاسىپكەرلەر ءۇشىن شاعىن وتباسىلىق ۇلگىدەگى ۇيلەر سالۋىمىز كەرەك»، - دەيدى قايىرلى كەڭەسبەكۇلى.

نۇر-سۇلتان قالاسىنداعى كىرىستىڭ 55%-ءتى شاعىن جانە ورتا بيزنەستىڭ ەسەبىنەن تولاتىنىن ەسكەرسەك، كاسىپكەرلەردىڭ سالماعى قانداي ەكەنىن اڭعارۋ قيىن ەمەس. سوندىقتان، پرايمەريزگە قاتىسۋشى قايىرلى تاۋكەن جەڭىسكە جەتسە، الدىمەن جاس كاسىپكەرلەردىڭ الەۋمەتتىك ماسەلەلەرىن كوتەرمەك.