«Kýt meni!» deytin televiziyalyq baghdarlama bar bilesizder. Soghan úqsas Qazaqstan týgili býkil әlemdik dengeyde eng qymbattymyzdy izdeytin jaghday bolyp túr. Qazaq halqynyng ghasyrlar boyy ansaghan qasiyetti perzentin úrlatyp alyp, ony әli kýnge andamay jýrippiz.

Ol 1991 jyly 16 jeltoqsanda dýniyege kelgen. Býgin 29 jasqa tolatyn. 1995 jyly 30 tamyzda tórt jasynda alayaq oligarhtar úrlap ketti. Sodan beri ol eng ataqty Úrybaydyng reziydensiyasynda búghauda dep estiymiz. Ana tilin úmyttyrghysy kelip ainalasynyng bәri jat tildi tyqpalasa da ol anda-sanda «Mening elim, mening jerim!» dep sәby jadynda saqtalghan qazaqshasyn qaytalaytyn kórinedi.

Býginde jigit bolghan, búdan shiyrek ghasyr búryn úrlatqan sәbiyimizdi izdeymiz. Bizding býginde Kók tuymyz bar, jerimiz bar, әnúranymyz ben eltanbamyz bar. Biraq ol joq! Halyq ta atar tanday, shyghar kýndey sol perzentin saghyndy, shóldedi, bir kóruge zar, sabyry týgesilip barady. Ol da әlsin-әlsin temir shynjyrlaryn saldyrlatyp bostandyqqa úmtylady, halqyna «Kýt meni!» dep aighay salady deydi. Sol perzentimizdi birge izdeuge, tabugha kómektesinizershi?! Ony bәriniz bilesizder, barshanyz tanisyzdar. Ol qazaqqa auaday qajet.

Onyng aty – Tәuelsizdik!

Úrlanghan sol perzentimizding býgingi tughan kýni qútty bolsyn!

Kelesi jylghy tughan kýnin halqymyz sol shynayy Tәuelsizdikting ózimen birge atap ótuimizge nәsip etsin!

Marat Baydildәúlynyng jazbasy

Abai.kz