Tәuelsizdik kýninde basty iydeologemalardy da esten shygharmaghan jón. Jana jyl – balalalar syilyq kýtetin, ýlkender ýmit etetin mereke. Demek, JANA JYL – ÝMIT pen TILEKTING merekesi retinde qalyptasty. Ýmit etetin, tilekter oryndalatyn, eskini artta tastap, janany bastaytyn mereke.

Al Tәuelsizdik kýni she? Qan tógilip, asharshylyqqa úrynyp, ata-babamyz tәuelsizdik jolynda qyrylyp, әreng jetken mereke retinde qabyldanyp jýr. Keybirimiz Jeltoqsan oqighasyn eske alyp, mereke emes, qúran baghyshtap, qaraly kýnge ainaldyryp jatamyz.

Al shyntuaytynda, qay últty alsanyz da, tәuelsizdikke onay qol jetkizbegen. Álemdegi 225 memleketting 163-i tәuelsizdik kýnin atap ótedi eken. Bodan bolmaghan el az. Al sol egemendik alghan elderge tәuelsizdik onay keldi deysiz be?

Asyly, kez kelgen jenis jýzdegen jenilisting syrtqy qabaty, kez kelgen triumf talay tragediyany túghyr etedi. Qogham emes, jeke adamnyng jenisi men jetistigin alyp qarayyq. Jenis onaylyqpen kelmeydi. Jenilisterden keyin ghana jenis tuy jelbireydi. Olay bolmasa, jenis bolmas edi.

Osyny eskere otyryp, Tәuelsizdik kýnin ata-babamyzdyng asyl armany oryndalghan kýn, yaghny ARMANDAR ORYNDALATYN KÝN retinde pozisiyalau qajet sekildi.

Bes týisikke әser etetin merekelik nyshandardyng ón boyynan armannyng aqiqatqa ainalu iydeyasy ótse. Balalargha syilyq jasaghanda da bir armany oryndalatynday bolghany jón.

Taghy bir iydeologema – Elime ne berdim? Osy súraqqa әrkim ózinshe oy qorytsa. Jylyna bir ret.

Kez kelgen mereke aludan túrady. Syilyq alady, keleshekke maghan bolsyn dep ýmit artady. Sondyqtan, Tәuelsizdik kýnin «Ne aldyng (syilyq, nagrada, maqtau qaghaz, alghys hat) emes, ne berdin?» degen saualgha әr adam jeke jauap beretin kýnge ainaldyrugha súranyp túr.

Jeke mýddege emes, qoghamdyq mýddege qosqan ýlesin saralaytyn kýn etsek. Batysta Jana jyl qarsanynda adamdar New Year Resolution jazady. Keler jyly kózdegen maqsattaryn tizbektep shyghady. Al Tәuelsizdik kýninde «men memleket ýshin ne istedimdi» eske týsirsek, Abay atamyzdyng «Qara sózinde» aitylghan ózine esep beruge qatysty amanatty oryndar edik.

Keler jyly Tәuelsizdikke 30 jyl. Qalay atap ótemiz? Qalay dәstýr qalyptastyramyz. Oy qosugha, úsynys aitugha shaqyramyn.

P.S. Ekinshi oidy keshe jazam dep uәde etkem. Býgin reti kelip túr. Ýshinshisi, búiyrsa, erteng bolady.

Shynghys Múqannyng jazbasy

Abai.kz