Almaty qalasyndaghy Sanjar Aspandiyarov atyndaghy Qazaq Últtyq medisinalyq uniyversiytetindegi tәjik studentterin internaturada oqu aqysyn tóleuge mindettedi. Áytpese olardy oqudan shygharady.

Altynshy kurs studenti Mehvar Halilovtyng Ozody radiosyna habarlauynsha, uniyversiytettegi 15 tәjikstandyqtyng bәri Qazaqstan memlekettik bilim grantymen oqyp jýrgen.

«Rektoratta bizge oqu aqysyn qantardyng ortasyna deyin tóleudi talap etti. Búnyng aldynda uniyver basshylyghy Qazaqstannyng densaulyq ministrliginen osy mәseleni sheship beruin súraghan. Biraq mekemedegiler bir-birine siltegen. Uaqyt az qaldy. Bizdi oqudan shygharuy mýmkin», - deydi student Halilov.

Onyng aituynsha, tәjik studentteri 2015 jyly Qazaqstan men Tәjikstan arasyndaghy bilim kelisimi negizinde uniyversiytetke týsken.

«Ýkimetaralyq kelisimge sәikes, internatura men ordinaturada óte jaqsy oqityn shetel studentteri ghana oquyn jalghastyra alady. Biz qazaqstandyq әriptesterimizge óte jaqsy oqityn tәjik studentterine internaturada oqugha rúqsat beruin súradyq», - dedi Tәjikstan bilim ministrligining ókili.

Qazaqstannyng bilim ministrligi shetel studentterin internaturada oqytugha budjetten qarajat qarastyrylmaghanyn habarlaghan.

Tәjikstan ýkimetining mәlimeti boyynsha, 30 myngha juyq tәjikstandyq sheteldegi oqu oryndarynda bilim alyp jýr.

Abai.kz