الماتى قالاسىنداعى سانجار اسپاندياروۆ اتىنداعى قازاق ۇلتتىق مەديتسينالىق ۋنيۆەرسيتەتىندەگى تءاجىك ستۋدەنتتەرىن ينتەرناتۋرادا وقۋ اقىسىن تءولەۋگە مىندەتتەدى. ءايتپەسە ولاردى وقۋدان شىعارادى.

التىنشى كۋرس ستۋدەنتى مەحۆار حاليلوۆتىڭ وزودي راديوسىنا حابارلاۋىنشا، ۋنيۆەرسيتەتتەگى 15 تاجىكستاندىقتىڭ ءبارى قازاقستان مەملەكەتتىك ءبىلىم گرانتىمەن وقىپ جۇرگەن.

«رەكتوراتتا بىزگە وقۋ اقىسىن قاڭتاردىڭ ورتاسىنا دەيىن تولەۋدى تالاپ ەتتى. بۇنىڭ الدىندا ۋنيۆەر باسشىلىعى قازاقستاننىڭ دەنساۋلىق مينيسترلىگىنەن وسى ماسەلەنى شەشىپ بەرۋىن سۇراعان. بىراق مەكەمەدەگىلەر ءبىر-بىرىنە سىلتەگەن. ۋاقىت از قالدى. ءبىزدى وقۋدان شىعارۋى مۇمكىن»، - دەيدى ستۋدەنت حاليلوۆ.

ونىڭ ايتۋىنشا، تاجىك ستۋدەنتتەرى 2015 جىلى قازاقستان مەن تاجىكستان اراسىنداعى ءبىلىم كەلىسىمى نەگىزىندە ۋنيۆەرسيتەتكە تۇسكەن.

«ۇكىمەتارالىق كەلىسىمگە سايكەس، ينتەرناتۋرا مەن ورديناتۋرادا وتە جاقسى وقيتىن شەتەل ستۋدەنتتەرى عانا وقۋىن جالعاستىرا الادى. ءبىز قازاقستاندىق ارىپتەستەرىمىزگە وتە جاقسى وقيتىن تاجىك ستۋدەنتتەرىنە ينتەرناتۋرادا وقۋعا رۇقسات بەرۋىن سۇرادىق»، - دەدى تاجىكستان ءبىلىم مينيسترلىگىنىڭ وكىلى.

قازاقستاننىڭ ءبىلىم مينيسترلىگى شەتەل ستۋدەنتتەرىن ينتەرناتۋرادا وقىتۋعا بيۋدجەتتەن قاراجات قاراستىرىلماعانىن حابارلاعان.

تاجىكستان ۇكىمەتىنىڭ مالىمەتى بويىنشا، 30 مىڭعا جۋىق تاجىكستاندىق شەتەلدەگى وقۋ ورىندارىندا ءبىلىم الىپ ءجۇر.

Abai.kz