13 nauryzda ÚQK әue qyzmetining astanadan úshyp shyqqan AN-26 әskery úshaghy Almaty әuejayyna qonar kezde apatqa úshyrap, bortyndaghy alty adamnyng tórteui qaza bolyp ketkeni asa bir ókinishti sezim tughyzdy. Marqúmdardyng otbasy men tughan-tuystaryna qayghylaryna ortaqtasyp kónil aitamyz. Tiri qalghan jigitterding tezirek sauyghyp qatargha qayta qosyluyna tilektespiz.

Biraq osy arada aitpay ketuge bolmaytyn nәrse bar. Sayasatkerler desovetizasiya turaly jii aitady. Sol desovetizasiya materialdyq iygilikterge de, qúral-jabdyqtargha da tikeley qatysty siyaqty kórinedi. AN-26 úshaghy Antonov atyndaghy konstruktorlyq buroda әlgi aty da, zaty da qúlaq túndyratyn AN-24 bazasynda 1969 jyly jobalanyp, 1973 jyldan bastap Kiyev aviasiyalyq zauytynda jappay shygharyla bastaghan. Qyryq jyldan asyp elu jylgha jaqyndaghan kóne úshaqtar «metaldyq sharshaudan» qajyghan siyaqty.

Osynday apat tura bir jyl búryn, 2020 jyly 6 nauryzda Siriyada oryn alghan. Aspan ashyq, kýn jaryqta Hmeymim bazasyna nebary 500 metr jetpey reseylik әskery AN-26 úshaghy qúlaghan. Bortyndaghy 33 jolaushy men ekipajdyng 6 mýshesi týgeldey qaza tapqan. Sol ótken jyly 25 qyrkýiekte Harikov oblysynda taghy bir AN-26 apatqa úshyrady, bortyndaghy 26 ukrainalyq kursant týgel ajal qúshty. Múnday úshaqtardyng qozghaltqyshtary 1973 -1979 jyldarda shygharylghan kórinedi. Metall ekesh metall da uaqytqa shydamaydy ghoy.

Osydan bes ay búrynghy (31.10.2020 j) derekterdi eskergende búl TMD jәne shetelderde apatqa úshyraghan 170-shi úshaq. Bәri de AN-26!!! Óndiristen alynyp tastalghanyna qyryq jylgha juyqtaghan úshaqtardyng resurstary jyldan jylgha qoldan úzartylyp otyrylghan. Reseylik mamandardyng qolynan keletini sol. Metallolom qúlamay qaytedi? Ábden eskirgen kenestik úshaqtargha bizde desovetizasiya jasalyp, bәri qoldanystan shygharyluy kerektigi kózge úryp túr.

Keshe qaza tapqan tórt úshqyshty qosqanda búl apattarda barlyghy 1470 adam opat bolghan. Sonda bizding aviasiyalyq biylik «mәngilik elge» «mәngilik úshaqtar» arqyly jetpekshi me?!

Marat Baydildәúlynyng jazbasy

Abai.kz