Aqtenizding jaghasynda otyrmyn. Kýn әli kýshine minip, qatty ysy qoyghan joq.
Mayda tolqyndardyng jaghany úrghan jenil yrghaghy qúlaqqa jaghymdy estiledi. Bayaghy apalarymnyng bir sarynmen qymyz sapyrghanynday qúddy bir.
Tanghy mezgil ghoy. Jaghajayda júrt ayaghy siyrek. Qonaq ýidegi qonystarynan qúiryqtaryn kótere qoymaghan siyaqty әli.

Qonaq ýy demekshi, keshe kelgen bette bayqaghanym, iyisi qazaqtan men-aq jýrgen siyaqtymyn osy jerde. Aynalamdaghylardyng bәri evropalyqtar. Eldegi eski týsinikpen bәrin "orystar" eken dep oilasam, joq, nemister, polyaktar, italiyandar, t.b. Bir-birimen sóilesken tilderi solay deydi...
Bizding qazaqtar teniz jaghalauyndaghy kurorttarda nege az? Nemese, nege mýlde joq?

Búryn men múnyng sebebin "ýikýshiktikten" kórushi em. Endi basqa oy mazalap otyr. "Ýikýshiktik" emes, sol eshjaqqa attap basqyzbaytyn "ýikýshiktiktin" arjaghynan joqshylyqtyng úsqynsyz týri qylang beretin siyaqty.
Áytpese, mynau men otyrghan jer eng arzan kurorttardyng birinen sanalady. Millionerler men milliarderler ýshin búl jaghalau tansyq emes. "Tegin" dep shaqyrsang da kelmeydi.

Qazaghym, Qarateniz ben Aqtenizding jaghasyndaghy qarapayym kurorttarda qashan myna evropalyqtar siyaqty qaraqúrym bop jýrer eken?!... Anau qymbattaryn aitpay-aq qoyayyn...

Qoy, otyra bermey bólmeme barayyn. Ensemdi ezgen oidan qútylam ba dep kep em osy jaqqa, bir kýn bolmay artymnan әzireyildey bop jetip kelgenin qaramaysyng ba?Eh...

Kósemәli Sәttibayúly

Abai.kz