اقتەڭىزدىڭ جاعاسىندا وتىرمىن. كۇن ءالى كۇشىنە ءمىنىپ، قاتتى ىسي قويعان جوق.
مايدا تولقىنداردىڭ جاعانى ۇرعان جەڭىل ىرعاعى قۇلاققا جاعىمدى ەستىلەدى. باياعى اپالارىمنىڭ ءبىر سارىنمەن قىمىز ساپىرعانىنداي قۇددى ءبىر.
تاڭعى مەزگىل عوي. جاعاجايدا جۇرت اياعى سيرەك. قوناق ۇيدەگى قونىستارىنان قۇيرىقتارىن كوتەرە قويماعان سياقتى ءالى.

قوناق ءۇي دەمەكشى، كەشە كەلگەن بەتتە بايقاعانىم، ءيىسى قازاقتان مەن-اق جۇرگەن سياقتىمىن وسى جەردە. اينالامداعىلاردىڭ ءبارى ەۆروپالىقتار. ەلدەگى ەسكى تۇسىنىكپەن ءبارىن "ورىستار" ەكەن دەپ ويلاسام، جوق، نەمىستەر، پولياكتار، يتالياندار، ت.ب. ءبىر-بىرىمەن سويلەسكەن تىلدەرى سولاي دەيدى...
ءبىزدىڭ قازاقتار تەڭىز جاعالاۋىنداعى كۋرورتتاردا نەگە از؟ نەمەسە، نەگە مۇلدە جوق؟

بۇرىن مەن مۇنىڭ سەبەبىن "ۇيكۇشىكتىكتەن" كورۋشى ەم. ەندى باسقا وي مازالاپ وتىر. "ۇيكۇشىكتىك" ەمەس، سول ەشجاققا اتتاپ باسقىزبايتىن "ۇيكۇشىكتىكتىڭ" ارجاعىنان جوقشىلىقتىڭ ۇسقىنسىز ءتۇرى قىلاڭ بەرەتىن سياقتى.
ايتپەسە، مىناۋ مەن وتىرعان جەر ەڭ ارزان كۋرورتتاردىڭ بىرىنەن سانالادى. ميلليونەرلەر مەن ميللياردەرلەر ءۇشىن بۇل جاعالاۋ تاڭسىق ەمەس. "تەگىن" دەپ شاقىرساڭ دا كەلمەيدى.

قازاعىم، قاراتەڭىز بەن اقتەڭىزدىڭ جاعاسىنداعى قاراپايىم كۋرورتتاردا قاشان مىنا ەۆروپالىقتار سياقتى قاراقۇرىم بوپ جۇرەر ەكەن؟!... اناۋ قىمباتتارىن ايتپاي-اق قويايىن...

قوي، وتىرا بەرمەي بولمەمە بارايىن. ەڭسەمدى ەزگەن ويدان قۇتىلام با دەپ كەپ ەم وسى جاققا، ءبىر كۇن بولماي ارتىمنان ازىرەيىلدەي بوپ جەتىپ كەلگەنىن قارامايسىڭ با؟ەھ...

كوسەمالى ءساتتىبايۇلى

Abai.kz