Qabatovtyng ózi sottalmaydy. Oghan qylmystyq aiyp joq. Biraq, ýshinshi әri tәuelsiz biylik – sottan basqa ar soty degen bar. Qazirgi әngime ar sotynyng tónireginde órbip túr. Jәne qyzyna emes, tikeley Túrsynbekting ózine qatysty.

Qazaq qoghamyn dýr silkintken – Túrsynbekting qyzy jalghan qújatpen ústalghanynda emes, әkesining "búl әreketti bilmedim-estimedim" dep ant-su ishkeninde. Qabatov "qalyng elim, osynday abaysyz is boldy. Bilim salasy ózgeriske úshyrap, talap basqasha qoyylghan eken, al mening qyzym, tipti ol emes, ony testke dayyndaghan ortalyq sony bilmegen eken. Bәrimiz jaza basyp, janylyppyz. Endi búl jolmen jýrmender, balalaryndy múnday jolmen jýrgizbender" dep aghynan jarylghanda qogham bylay dýrlikpes edi.

Azamattyng beti ashyq, aldaghy joly dúrystalar edi. Bar әngime istelgen isti moyynmen kóterip aluda ghoy. Túrsynbekte mýmkindik boldy. Bir emes, birneshe ret. Basynda qyzy ústalyp qalghanda. Otbasynda ne bolyp jatqanyn bilui kerek edi. Qyzynan polisiya týsinikteme alady, odan keyin tergeuge shaqyrylghan shyghar. Sony әkesi eki ay boyy bilmey jýre me? Balasy ne jaghdaygha tap bolghanyn estimese, әp-әdemi bolyp betine sýiip, ony әleumettik jelige jariyalap jýrgeninen ne qayyr?!

Bizdinshe, ol "jabuly qazan jabuly kýiinde qalar" dep ýmittengen, әri solay isteuge talpynghan shyghar. Onda Toqaev basqaryp otyrghan memlekette múnday oqigha túrmaq on taldyng zansyz kesilgeni talqygha týserin bilmegen. Jyrqyldaq kórermeni bar zaldar men televiziyadan basqa qúraldar payda bolghanyn, ol arqyly aqsha tabugha bolaryn angharghanymen, tayaqtyng әrdayym eki úshy baryn angharmaghan.

Oqighany býkil el estigen kýni kelesi mýmkindik bolghan. Ol: "Osylay bolyp edi. Ayaghymdy әntek basyppyn. Qalyng elim, men siyaqty ynghaysyz jaghdaygha tap bolmay, búdan bylay bәrimiz, bәrimizding úl-qyzymyz tura jolmen jýreyik" dese, qogham araday talamas edi. Qabatov onda Toqaevtyng adal, әdil memleket qúrugha degen talpynysyn qoldaushy bolyp shyghar edi. Eng bastysy ózi arylar edi. Joq, onyng ornyna әldekimge WhatsApp әleumettik jelisi arqyly úrysqan shou jasap, batpaqtyng ýstine batpaq jabystyrdy.

Qaynar Oljay

Abai.kz