Eki-ýsh kýn búryn «Tiyk-tok» jelisinen bir ózbek jigiti Almatyda «Aqsay» yqshamaudanyndaghy «Aysha» degen hostelge aiyna 300 myng tenge tóleytin bolyp júmysqa shaqyrylghanyn, alayda eshqanday kelisim-shart jasalmay eki aidan song bir tiyn aqsha tólemey, ózin kemsitip qorlap, boqtap quyp jibergenin orasan renishpen aityp túrghanyn kórdim. IYesi qazaqtar kórinedi. Qaradan túryp biz úyaldyq. Júmys berushilerine arnaghan nәlet qarghysy da qúlaghymyzda qaldy.

Naryqtyq qatynastar kezi bolghan song ba osynday kisi aqysyn jeytin, júmystaryn jasatyp alyp artynan eshteme kórmegendey bezeretinder kóbeydi. Tanymal M. degen әnshining ýiine kýrdeli jóndeu jasatyp alyp, qúrylysshylardy qúrqol aidap shyqqany, әlem chempiony S. degen sportshy sylaqshy kelinshekterding aqysyn tólemey qoyghany, ózin elge tútqa sanaytyn bir dókey jas kómekshisin eki jyl boyy emeksitip janynda ústap, aqyry siyrqúiymshaqtatyp aqysyn bermey quyp jibergeni, N.degen kәsipker jigitting eki qabatty ýiin saldyrtyp alyp qúrylysshylargha aqshasyn bermey zar qaqtyrghany siyaqty jaghdayattar el ishinde kóp. Álgindey ozbyrlyqqa kóbine dayashylar, baqtashylar, kýzetshiler, qúrylysshylar, qara júmysshylar úshyrap jatady. Búl ózi keninen tarap bara jatqan teris qúbylysqa úqsaydy. HeadHunter zertteu ortalyghy ótken jyly 2 mynday adamnyng arasynda onlayn jýrgizgen pikirterim nәtiyjesine qaraghanda súrau salynghandardyng 84 payyzy júmys izdegen nemese júmysqa túrghan kezderinde aldau әreketterine tap bolghandaryn aitqan.

Adam balasy dinine, últyna, nәsiline qaramastan Alla aldynda da, zang aldynda da bәri birdey. Asyl dinimizde «Bireuding enbegining aqysyn jeydesining teri kepkenshe ber» deytin qaghida da bar. Alla Taghala óz aqysyn keshirgenimen qúldarynyng arasyndaghy aqyny olardyng ózderine qaldyrghan. Aldaugha úshyramau ýshin júmysqa túrar aldynda kelisim-shart jasaluyn talap etken de tiyimdi. Biluge tiyisti nәrse sol – bireuding aqysyn jegendi aqysy jelingen adam keshirmey Alla keshirmeydi.

Qarap otyrsanyz, bireuding aqysyn jegen ozbyr erte me, kesh pe ózi sonysynyng zardabyn tartqanyn kóresin. Aytalyq, tilge tiyek bolghan әlgi әnshi eki qabat ýiin bankke kepilge qoyyp aqsha alyp, aqyry sol ýiinen aiyrylyp qaldy. Al N. degen kәsipker ýiin kazinoda útqyzdy. Auzymen qús tistegen dókey insulitke úshyrap arbagha tanyldy. Chempion isti bolyp, temir torgha toghytyldy. «Búl dýniyeniki o dýniyege ketpeydi» degen osy!
Sondyqtan kisi aqysyn jep qarghysqa qalmayyq, aghayyn!

Marat Baydildәúly

Abai.kz