Ótkende belgili sayasatker Sanjar Boqaev ózining әleumettik jelidegi paraqshasynda ózining kezekti sayasy sholuyn jariyalaghan. Onda sarapshy songhy jyldary Qazaqstan men Resey arasyndaghy baylanystyng tym jaqyndasyp ketkeni jayly óz pikirin aitady.

«Osy biyl, on aidyng ishinde Resey men Qazaqstan basshylary 19 mәrte kezdesip nemese telefon arqyly sóilesken eken. Búryn onday tyghyz qarym-qatynas bolghan emes», - deydi sayasatker.

Sonymen Qazaqstan Preziydenti Reseyding týrli lauazymdaghy shendilerimen neshe mәrte kezdesu ótkizdi? Onda qanday mәseleler sóz boldy? Biz Aqordanyng resmy saytyna sholu jasadyq. Eki jaqty jiyndardyng eng manyzdylaryna toqtaldyq. Qaranyz:

Jyl basynan beri Qazaqstan men Resey arasynda 8 oflayn, 2 onlayn jiyn ótken eken.

11 qazanda Memleket basshysy Qasym-Jomart Toqaev Resey Syrtqy ister ministri Sergey Lavrovty qabyldady. Búl S.Lavrovtyng Núr-Súltan qalasyna ekinshi júmys sapary. Kezdesude Aughanstandaghy jaghdaydy túraqtandyru ýshin halyqaralyq kýshti júmyldyru jәne Qazaqstan tarapynan aughan eline kórsetilip otyrghan gumanitarlyq kómek sharalary turaly aityldy. Qazaqstan Preziydenti Aziyadaghy qauipsizdik, janjaldardyng aldyn alu jәne beybitshilikti qoldau mәselelerin sheshuding újymdyq tәsilderin pysyqtau ýshin Kenes júmysynyng algha basuyna Reseyding manyzdy ról atqaratynyn atap ótti.

Biyl 8 sәuirdegi Resey Syrtqy ister ministrimen birinshi kezdesude Qasym-Jomart Toqaev Qazaqstangha vaksinanyng qosymsha bóligin jiberu mәselesine qoldau kórsetkeni ýshin Vladimir Putinge rizashylyghyn bildire otyryp, gharysh salasyndaghy ózara is-qimyldy odan әri damytu mәselelerin talqylaghan bolatyn. Óz kezeginde S.Lavrov:

«i.Gagarinning gharyshqa úshqanyna 60 jyl toluyn atap ótemiz. Búl – bizding gharyshty beybit iygeruge qosqan ortaq ýlesimiz. Bayqonyrdaghy bizding ózara is-qimylymyzdy odan әri órkendetu jәne Qazaqstannyng gharyshtyq әleuetin damytu jónindegi birlesken júmystarymyz qarqyndy jýrip jatyr», – degen edi.

3-shi qyrkýiek kýni  Memleket basshysy VI Shyghys ekonomikalyq forumynyng plenarlyq onlayn mәjilisine qatysty. Jiynda Q.Toqaev: «Qazaqstanda atom elektr stansiyasyn salu kerek», - dep basyp aitty.

Dәl osy jiynda Qazaqstan Ýkimeti Reseyding SBER kompaniyalar tobymen kelisim jasasyp, «elektrondy ýkimet» (eGov) platformasyn jasaytyn bolyp kelisti. Sarapshylar búl kelisimdi «Qazaqstandy Sifrlyq Tәuelsizdikten aiyru kelisimi», - dep baghalady. Qogham belsendileri men sarapshylar atalghan kelisismge qarsylyq bildirude.

30 qyrkýiekte ótken Qazaqstan men Reseyding XVII ónirlik yntymaqtastyq onlayn forumynda V.Putiyn: «Qazaqstan atom elektr stansiyasyn salsa, Resey óz tarapynan kómek qolyn sozugha, Qazaqstandyq mamandardy osy salagha baulugha әzir», - dep sóiledi.

Forumda Q.Toqaev: «Qazaqstanda 7500-den astam Reseylik jәne 3500-ge juyq birlesken kәsiporyn tabysty júmys istep jatyr. Yntymaqtastyq ornatqan uaqyttan beri Forum ayasynda 200-ge juyq kelisim men shartqa qol qoyyldy. Osy kezende tauar ainalymy 3,5 esege ósip, 19 milliard dollargha jetti. Reseyden tartylghan tikeley investisiyanyng kólemi songhy 15 jylda 16 milliard dollardan asty. Reseyge salynghan Qazaqstandyq investisiyanyng kólemi 4,5 milliard dollargha juyqtady», - dep mәlimdedi.

Qazaqstan Preziydenti 21 qantar kýni Resey Federasiyasynyng Qazaqstandaghy elshisi Aleksey Borodavkindi eki el arasyndaghy dostyq pen yntymaqtastyqty kýsheytuge qosqan ýlesi ýshin II dәrejeli «Dostyq» ordenimen marapattady.

«Siz halyqaralyq qatynastar mәseleleri boyynsha bilikti maman retinde diplomatiyalyq ortalarda tanymalsyz. Resey Federasiyasynyng Qazaqstandaghy Tótenshe jәne Ókiletti elshisi retinde memleketterimiz arasyndaghy dostyqtyng túraqty boluyna, mәngilik sipat aluyna zor kýsh salyp kelesiz. Sizding atqarghan ýlken әri auqymdy júmysynyz ýshin rizashylyq bildiremiz.  Sonymen qatar Siz jaqynda ghana jeke ómirinizdegi eleuli mereytoylyq datany atap óttiniz. Búl – keremet mereytoy. Atalghan marapat ta osy aituly oqighagha oray berilip otyr, – dedi Memleket basshysy.

Al, 8 mausym kýni Resey Preziydenti bizding elding premier-ministri Asqar Mamindi «Dostyq» ordenimen marapattady. Orden A. Maminge  ghyrysh kenistigin zertteu jәne paydalanu salasyndaghy halyqaralyq yntymaqtastyqty damytugha, halyqtar arasyndaghy dostyqty nyghaytugha qosqan zor ýlesi ýshin berildi.

Ayjan Temirhan

Abai.kz