Býgin memleket basshysy Qasym-Jomart Toqaev Qytaydyng IV halyqaralyq importtyq tauarlar kórmesining ashylu saltanatynda beyne ýndeu jasady.

Beyneýndeudi Memleket basshysy Qazaqstan men Qytay óz tarihyndaghy manyzdy datalargha – Qazaqstan Tәuelsizdigining 30 jyldyghyna jәne Qytay Kommunistik partiyasynyng qúrylghanyna 100 jyl toluyna jaqyndaghanyn eske salyp, sóz bastady. Eki aidan keyin Qazaqstan men Qytay arasyndaghy diplomatiyalyq qarym-qatynastyng ornaghanyna 30 jyl tolady. Qasym-Jomart Toqaev ózara tiyimdi ekijaqty yntymaqtastyq ken-baytaq Euraziya kontiynentinde birlesken damu men órkendeuge jol ashatynyn, elder arasyndaghy ózara is-qimyldyng berik irgetasy bolyp tabylatyn sauda-ekonomikalyq qarym-qatynastar aldaghy uaqytta da damy beretinin atap ótti. Preziydent sonday-aq koronavirus shekteuleri jaqyn arada alynyp, elder arasyndaghy sauda búrynghy kýshine ie bolady dep ýmittenetinin aitty.

"Óte qiyn kezenge qaramastan, әlem ýshin qiyn bolghan 2020 jyldyng ózinde ekijaqty tauar ainalymy bes payyzgha artyp, 15 milliard dollar qarjyny qúrady. Qytay tilinde "Ózgeris jeli soqsa, bireuler qabyrgha salady, endi biri jel diyirmenin túrghyzady" degen maqal bar. Biz pandemiya saldarynan tuyndaghan Qazaqstan-Qytay shekarasyndaghy uaqytsha shekteuler jaqyn aralyqta ashylyp, tauar ainalymy tolyq qalpyna keledi dep senemiz" , - dedi Qasym-Jomart Toqaev.

Memleket basshysy Úly Jibek jolynyng tarihyn da úmytqan joq.

"Búl ejelgi sauda joly Sy Szinipinning "Bir beldeu, bir jol" auqymdy bastamasynyng arqasynda qayta jandandy. Býgingi tanda Qazaqstan aumaghy arqyly Qytaydan Europagha jyl sayyn 500 mynnan astam konteyner tasymaldanady. Qúryq teniz porty iske qosylghannan keyin Lyaniunigan-Kars kólik dәlizi boyynsha Qorghastan Ystambúlgha jýkterdi jetkizu merzimi bes esege – 60 kýnnen 13 kýnge deyin qysqardy. Biz Qorghastan basqa kórshiles eldermen jana transshekaralyq hab qúrudamyz", - dedi Memleket basshysy.

Qasym-Jomart Toqaevtyng aituynsha, býkil әlemdi sharpyghan koronavirustyq indet jahandyq sauda baylanystaryna aitarlyqtay núqsan keltirdi. Sondyqtan Qazaqstan túraqty tranzittik baghyttardy nyghaytu jәne әrtaraptandyru, innovasiyalyq logistikalyq tәsilderdi engizu ýshin barlyq mýddeli taraptarmen tyghyz júmys isteudi jalghastyrady.

"Býgin ashylghan Qytay halyqaralyq importtyq tauarlar kórmesi shyn mәninde әlemning týkpir-týkpirinen eksporttaushylardy biriktiretin ortalyqqa ainaldy. Búl aituly sharagha әlemning 120-dan astam elining óndirushileri qatysuda. Búl Shanhaydaghy kórmening Qytaydyng alyp naryghyna "altyn qaqpa" qyzmetin atqaratynyn aiqyn kórsetedi. Kórmege Qazaqstannyng 30 iri tauar óndirushileri qatysuda. Olar 100 million dollardan asatyn azyq-týlik pen auyl sharuashylyghy ónimderin jetkizuge kelisim-sharttar jasaydy dep kýtilude", - dedi Memleket basshysy.

Sózining sonynda Memleket basshysy Shanhay kórmesine qatysushylargha sәttilik tilep, ózara tiyimdi sauda qatynastarynyng kókjiyegi keneye týsetinine senim bildirdi.

Qytay men Qazaqstan shekarasynda bir ay boyy qiyndyqtar tuyndauda. Shekara manynda on mynnan astam kólik elektrondy kezekte túr, al shekara beketterinde túrghan kólikter sany jýzdep sanalady. Qytay tarapy ony koronavirustyng qayta órshuimen baylanystyruda. Sebebi shekaralar tek qana Qazaqstan tarapymen emes, Qytaymen shekaralas kóptegen eldermen jabylghan. Alayda tәuelsiz sarapshylar búnyng astarynda qysym kórsetu pighyly da jatyr degendi algha tartady.

Ka Myrza

Abai.kz