25 kýnnen beri auruhanada jatqan dissiydent aqyn Aron Atabek әli reanimasiyada, jaghdayy bir qalypty auyr. Búl turaly "Azattyqqa" onyng qaryndasy Rәziya Nútysheva habarlady dep jazady Abai.kz. 

"Jaghdayy bir qalypty. Áli reanimasiyada jatyr. Áli komada. Kishkene oyanady, biraq jaghdayy jaqsarmay jatyr. Dәrigerler jaghdayy birqalypty auyr dedi. Ony jaqynda nevropatolog, neyrohirurg qaraghan. Búlshyqeti joq. Qanshama belok qúiyp jatyr. Sinbeydi. Salmaq qospay jatyr. Áli trubka arqyly tamaq ishedi. Tamyr arqyly qúiylady. Ábden óleyin dep qalghan kezde bosatyp otyr ghoy. Koronavirusy azayghan deydi, biraq ókpesin týsiru ýshin basqa jaqqa auystyru kerek eken, sebebi klinikada onday qúrylghy joq. Jasandy tynys apparatymen demalyp jatyr. Ony alyp tastasa, birden tynysy taryla bastaydy. Qan qysymy tómendep ketedi", – dedi Rәziya Nútysheva.

Oghan tuystaryn әli jibermeydi. Jaqyndary tek dәrigerlerge habarlasyp, Aron Atabekting jaghdayyn bilip otyr. Biyl 1 qazanda Pavlodar soty 2006 jylghy "Shanyraq oqighasynan" keyin 18 jylgha sottalghan Aron Atabekting qalghan jaza merzimin bostandyghyn shekteu jazasyna auystyryp, aqyndy "densaulyq jaghdayyna baylanysty" týrmeden shygharghan.

Abai.kz