Songhy emtihandy tapsyrugha tiyis bir student týnimen dayyndalyp, tanerteng emtihan tapsyrugha birneshe minut qalghanda ghana oyanypty. Eger ol búl emtihannan keshikse, onda biylghy jyly oqugha týsuge dayyndalghan bar enbegi zaya ketip, taghy bir jylgha kýtetin bolady.

Oqushynyng túratyn ýii Mapu audanynda, al mektebi onyng ýiinen 5,8 shaqyrym qashyqtyqta. Onyng mektebi Seulding jol keptelisi eng mol bóliginde ornalasqan. Mapudan mektepke deyin jetuge kem degende 20 minut ketedi.

Student audandyq polisiya bólimine jylamsyrap jónin aitqan kezde, polisiya qyzmetkerleri ony kólikke otyrghyzyp, dabylyn qosyp, asa jyldamdyqpen mektepke qaray zymyraydy.

Tanertengi júmys uaqyty bolghandyqtan, kólikter de óte tyghyz bolatyn. Polisiya dauys úlghaytqyshpen: «Keshirinizder, songhy emtihangha keshigip bara jatqan studentke jol berulerinizdi ótinemin!»,-dep dauystap otyrghan, al joldaghy barlyq mashinalar toqtap jol berip otyrypty. Sebebi koreya halqy songhy qorytyndy emtihannyng qanshalyqty manyzdy ekenin jaqsy týsinedi.

Polisiya ony 20 minut jýretin jerge 7 minutta jetkizipti. Emtihan bastalardan eki minut búryn ghana mektepke jetip ýlgergen student razy bolghan ýnmen rahmetin aityp, jýgirip mektepke kiredi.

Koreyadaghy mektep bitiru emtihan tapsyratyn kýn- studentter ýshin óte jauapty kýn. Búl kýni barlyq mekemeler qyzmetkerlerining songhy emtihangha qatysatyn balasy bar bolsa demalugha, nemese júmystan keshiguine mýmkindik beredi.

Búl kýni mektep manynda kólik keptelisi jәne artyq u-shudyng aldyn alu ýshin poliyseyler qosymsha kýsh qoldanady. Keshigip qaluy mýmkin studentterge kómektesuge qosymsha mashinalary da dayyn túrady.

Koreya eli bilim berudi birinshi oryngha qoyghan. Olar elmen jerding bolashaq iyelerining bilimdi boluyna erekshe mәn berip osylay qamqorlyq jasaydy eken!

Amantay Toyshybayúly

Abai.kz