سوڭعى ەمتيحاندى تاپسىرۋعا ءتيىس ءبىر ستۋدەنت تۇنىمەن دايىندالىپ، تاڭەرتەڭ ەمتيحان تاپسىرۋعا بىرنەشە مينۋت قالعاندا عانا ويانىپتى. ەگەر ول بۇل ەمتيحاننان كەشىكسە، وندا بيىلعى جىلى وقۋعا تۇسۋگە دايىندالعان بار ەڭبەگى زايا كەتىپ، تاعى ءبىر جىلعا كۇتەتىن بولادى.

وقۋشىنىڭ تۇراتىن ءۇيى ماپۋ اۋدانىندا، ال مەكتەبى ونىڭ ۇيىنەن 5,8 شاقىرىم قاشىقتىقتا. ونىڭ مەكتەبى سەۋلدىڭ جول كەپتەلىسى ەڭ مول بولىگىندە ورنالاسقان. ماپۋدان مەكتەپكە دەيىن جەتۋگە كەم دەگەندە 20 مينۋت كەتەدى.

ستۋدەنت اۋداندىق پوليتسيا بولىمىنە جىلامسىراپ ءجونىن ايتقان كەزدە، پوليتسيا قىزمەتكەرلەرى ونى كولىككە وتىرعىزىپ، دابىلىن قوسىپ، اسا جىلدامدىقپەن مەكتەپكە قاراي زىمىرايدى.

تاڭەرتەڭگى جۇمىس ۋاقىتى بولعاندىقتان، كولىكتەر دە وتە تىعىز بولاتىن. پوليتسيا داۋىس ۇلعايتقىشپەن: «كەشىرىڭىزدەر، سوڭعى ەمتيحانعا كەشىگىپ بارا جاتقان ستۋدەنتكە جول بەرۋلەرىڭىزدى وتىنەمىن!»،-دەپ داۋىستاپ وتىرعان، ال جولداعى بارلىق ماشينالار توقتاپ جول بەرىپ وتىرىپتى. سەبەبى كورەيا حالقى سوڭعى قورىتىندى ەمتيحاننىڭ قانشالىقتى ماڭىزدى ەكەنىن جاقسى تۇسىنەدى.

پوليتسيا ونى 20 مينۋت جۇرەتىن جەرگە 7 مينۋتتا جەتكىزىپتى. ەمتيحان باستالاردان ەكى مينۋت بۇرىن عانا مەكتەپكە جەتىپ ۇلگەرگەن ستۋدەنت رازى بولعان ۇنمەن راحمەتىن ايتىپ، جۇگىرىپ مەكتەپكە كىرەدى.

كورەياداعى مەكتەپ ءبىتىرۋ ەمتيحان تاپسىراتىن كۇن- ستۋدەنتتەر ءۇشىن وتە جاۋاپتى كۇن. بۇل كۇنى بارلىق مەكەمەلەر قىزمەتكەرلەرىنىڭ سوڭعى ەمتيحانعا قاتىساتىن بالاسى بار بولسا دەمالۋعا، نەمەسە جۇمىستان كەشىگۋىنە مۇمكىندىك بەرەدى.

بۇل كۇنى مەكتەپ ماڭىندا كولىك كەپتەلىسى جانە ارتىق ۋ-شۋدىڭ الدىن الۋ ءۇشىن پوليتسەيلەر قوسىمشا كۇش قولدانادى. كەشىگىپ قالۋى مۇمكىن ستۋدەنتتەرگە كومەكتەسۋگە قوسىمشا ماشينالارى دا دايىن تۇرادى.

كورەيا ەلى ءبىلىم بەرۋدى ءبىرىنشى ورىنعا قويعان. ولار ەلمەن جەردىڭ بولاشاق يەلەرىنىڭ ءبىلىمدى بولۋىنا ەرەكشە ءمان بەرىپ وسىلاي قامقورلىق جاسايدى ەكەن!

امانتاي تويشىبايۇلى

Abai.kz