Biz negizinen baqytty úrpaqpyz. Es bilip, etek jaba bastaghanymyzda Qytayda atyshuly mәdeniyet  tónkerisi  ayaqtalyp, bilim men ghylymnyng qaqpasy aiqara ashylyp, sýrginge ketken, ghylym ordasynan shettetilgen ústazdar qaytadan oralyp, bilimqúmar úrpaqtyng shólin qandyrdy.

Joghary oqu oryndarynda memleket boyynsha birtútas emtihan alyp qabyldau ýrdisi qalpyna kelip, alghashqy jyldarda bәseke әdil jýrip, «barmaq basty, kóz qystydan» ada boldy. Sonymen әrqanday týlek talanty men qajyr-qayratynyng arqasynda joghary oqu oryndaryna týsip, taghdyryn ózgertu mýmkindigine ie boldy. Aldy-artymyzdy payymdap, qogham tabaldyryghyn attaghanymyzda zorlyq pen zombylyqqa qúrylghan，jeke túlgha men sany az últtar ýshin zúlymdyq úyasy bolghan alyp imperiya ydyrap，Tәuelsizdik tany atty. «Abylaydyng asynda shappaghanda, atannyng basynda shabasyng ba?» degen mәtelding maghynasyn sózimizben emes isimizben dәleldeuding reti keldi. Bәrimizde jalghyz-aq, arman boldy. Ol – Tәuelsiz elding shanyraghyna kelip, uyq bolyp shanshylu edi. Sol ýshin jәili qyzmet, joghary lauazym, syi-qúrmetke toly orta jәne basqa adam ómirine kerek shart-jaghdaylar, bәri-bәrin tәrk etuge túra keldi. Solay boldy da. Oilanyp-tolghanatyn, qyimay-qyinalatyn eshtene bolghan joq. «Ystyq qayrat, núrly aqyl, jyly jýrekke» sendik. Jýregimiz aldamapty. Taghdyrdyng jazuymen, tәnirding jebeuimen otyzdyng ary jaq-beri jaghyndaghy bir top jas Qazaqstan últtyq ghylym akademiyasynyng J.Jabaev pen M.Áuezov kóshelerining qiylysyndaghy aspiranttar men qyzmetkerlerge arnalghan jataqhanasynda jolymyz týiisti. Sol jalyndaghan jastardyng estiyar-estisi, kóp kórgen kósemi de Nәbijan Múqametjanúly men Talghat Mamyrúly edi.

Mýiizi qaraghayday, ataghynan at ýrketin últtyq ghylym akademiyasynyng M. Qozybaev, S. Qirabaev syndy akademikteri jetekshimiz bolyp, әkelik qamqorlyq kórsetti. Jataqhanagha ornalasyp, ghylymy taqyryp taldauymyzgha deyin qadaghalady. «Men úrlyq qylghan kýni aidyng jaryq bolghany-ay» demekshi endi es jiya bergende naryq kelip kiylikti. Sol zamandaghy eti tiri, әlemning betalysyn jiti qadaghalap otyrghan azamattardyng birazy ótpeli zamannyng zanyna beyimdelip, bizneste baqtaryn synap kórdi. Sol qatardan Talghat Mamyrúly da shet qalghan joq. Memleketke alaqan jaymay, jastyq qayrat，jalyndy jigermen tynnan týren saldy. 1983 jyly Shynjang uniyversiytetining elektronnika-informatika mamandyghyn ýzdik nәtiyjemen bitirip, 1989-1990 jyldary әigili Shanhay Fudan uniyversiytetining aspiranturasynda oqyghan Tәkeng biznesting qyr-syryn tezarada mengerip, elimiz jenil ónerkәsip salasynda búl kýnde brendke ainalghan «Erke-Núr» kompaniyasyn  júbayy ekeui birlese qúryp, odaq taraghanda júmyssyz qalghan adamdargha júmys tauyp berdi. «Erke-Núrdyn» shapandary men kәde-syilary Elbasydan bastap sheteldik qadirli qonaqtardyng iyghyna jabylyp，qolyna estelik retinde berildi. Sol kezde Almatyda qazaqtar qala halqynyng 12%-yn  ústasa, býkil respublika boyynsha jergilikti halyqtyng 40%-y ana tilinen maqúrym qalghan, auyldaghylar iri qalalargha jónkile kóship, isher as, kiyer kiyimge zar bolghan almaghayyp zamanda biznes baghytyn últtyq kiyim men dәstýrli qúndylyqtargha búru ýshin ýlken jýrek, biyik parasat kerek ekeni aitpasaq ta belgili. Qazir ghoy ekining biri, egizding synary últtyq óner men dәstýrding janashyry, joqshysy. Dese de túnghyshtyng aty túnghysh!

Bizneste baghdaryn týzep, jelkenin jayghan Tәkeng ózining sýiikti mamandyghy men arqatútar kәsibin bir sәtte úmytqan joq. Óz ómirindegi jәne elimiz tarihyndaghy manyzdy inovasiyalyq joba bolyp tabylatyn, «Halyqaralyq qazaq-qytay til kolledjin» mol dayyndyq, tynbay izdenistin arqasynda tolyqtay iske asyrdy.

2000 jyldardan bastap el ekonomikasy esin jiyp，ensesin tiktep әr týrli mamandyqtargha súranys artyp ，salyq jýiesi retke kelip ，bazardaghy jabayy saudanyng tynysy taryla bastady. Elimiz barlyq elmen teng dәrejeli diplomatiyalyq qarym-qatynas ornatyp，kәsipkerlikting kókjiyegi kenidi. Shyghystaghy alyp kórshimiz әlemdegi ekinshi quatty ekonomikalyq elge ainalyp, yqpalyn әlemge jýrgize bastady. Eki el arasyndaghy qarapayym adamdar men memlekettik mekemeler arasyndaghy baylanystar joghary dengeyde damydy. Sonymen qytay tiline degen súranys eselep artty. Tәkeng qúrghan «Halyqaralyq qazaq-qytay til kolledji»  osynday ishki-syrtqy súranystyng qajetin ótedi. Jana eradan búryn jasaghan Qytay әskery strategi Suni Szy «ózindi de, ózgeni de jettik bilseng soghysta jenilmeysin» dep,  óz әskery ómirindegi tәjiribiyesin qortyndylaghan. Osy sóz qazirge deyin qytay sayasatkerleri men qolbasylarynyng boytúmaryna ainalyp ketti. Osy túrghydan qarasaq qazir Pekiyn, Shanhay, Siani siyaqty iri qalalardaghy uniyversiytetterde Qazaq tili kafedrasy ashylyp jemisti júmys isteude al Ýrimshi, Qúlja qalalaryndaghy arnauly qazaq filologiya fakulitetterining qúrylghanyna aldyna jetpis jylgha tayasa, artyna qyryq jyl boldy. Talghat Mamyrúly óz topyraghymyzda qúryp ，óz mamandarymyz tәrbiyelep jatqan kolledj osy bostyqty toltyrdy. Alghash qúrylghanda jýzge jetpes studenti bar shaghyn kolledj búl kýnde jýzge tayau ústazy, segiz jýzden astam studenti bar elimizding ishi-syrtyna tanymal bilim úyasyna ainaldy. Qúrylghannan beri jeti mynnan astam shәkirtting qanatyn qataytyp, qogham tabaldyryghyn attatty. Dizayn，turizm，audarma isi syndy alty mamandyq boyynsha studentter tәrbiyelep, Qytaydyng jirmadan astam joghary oqu oryndarymen jәne Úlybritaniyanyng «International House London» ortalyghymen әriptestik qatynas ornatty. Es bilgeli jýregi elim dep soghatyn Tәkeng úrpaq tәrbiyesinde patriotizm men últtyq qúndylyqtardy sanagha siniruding manyzdyghylyn jan-tәnimen sezinedi. Sondyqtan da tek kolledj ashudy biznes kózi dep qaramaydy. Jas úrpaqty tәrbiyeleude memlekettik mýdde men túlgha maqsatynyng toghysuy, bolashaq armandardyng iske asuy dep qaraydy. «Memlekettik til – aibynym», «Tәuelsizdik – tiregim», «Otan dep soghar jýregim», «Mening Qazaqstanym – mening maqtanyshym», «Ata saltym – asyl múram», «Otan qorghau – úly paryz» syndy is-sharalar kolledj ómirinde mausym sayyn úiymdastyrady. Búl sharalardyng aqyl-oyy endi-endi tolysyp kele jatqan úrpaq ýshin tiygizer paydasy kól-kósir. Tәkening sanaly ghúmyry men salihally ómirining әr betin paraqtasanyz «ústazdyq etken jalyqpas ýiretuden balagha» degen naqyldyng terenine boylaghanday bolasyz. Ár isinen sabyrly minezi, bekzattyq bolmysy menmúndalap túrady. Qanshama jyldy bir kýngidey ótkizip, qarapayymdylyghyn joghaltqan joq. Ataq quyp, aryptalaspady, pendelikting iyirimine boylamady. Óz isining bilgirine ainalyp, ortasynyng qúrmetine bólendi. «Balam degen er bolmasa, elim deytin úl qayda bolsyn» dep úly Abay aitqanday Tәkening enbegi elenbey qalghan joq qayta myna «layk quyp, kayf izdegen» donkihottardyng arasynan naghyz altyn bolyp jarqyrady, balauyz sham bolyp ainalasyn jaryq pen jylugha bóledi. 2010 jyly Y.Altynsarin atyndaghy medalimen marapattalsa, 2011 jyly «Liyder obrazovaniya» qoghamdyq medalinin, 2016 jyly «Gordosti obrazovaniya» ordenin omyrauyna taqty. 2017 jyly QR ghylym jәne bilim ministrligining «Qúrmet» gramotasy tapsyrylsa, 2017 sol ministrlikten bilim beru salasyna qosqan zor ýlesi ýshin «Alghys» aldy. Sol jyldarda aty-jóni «Egemen elding jýz qayratkeri» qataryna endi. 2009 jyly niyettes dostarymen birlesip qúrghan «Jebeu» respublikalyq qoghamdyq birlestigin elimizding әdilet ministrligine tirketip, eki el arasyndaghy halyqtyq diplomatiyanyng damuyna qor ýles qosty әri Qytaydan kelgen qandastarymyzdyng jana ortagha ýilesip, sinisuine zandyq, qúqyqtyq jaqtan kenes berip oqys, kýrdeli mәselelerdi sheshude arysy ýkimet, parlamentte, berisi qala, oblys, audan, auyl kóleminde at salysty. Ýkimet qúrylymdaryna úsynys aitty. Qazaqstandaghy Qytay elshiligimen, konsuldyghymen jaqsy qarym-qatynas ornatyp eki elding dostyq qarym-qatynastyng damuyna zor ýles qosty.

Keshegi múrty tebindegen sary bala búl kýnde el syilaytyn, ainalasy arqa tútar agha jasy 60-qa tolyp otyr. Ózgeris, reformalar zamanynda dýniyege kelip, kórgen tәrbiyesin, alghan bilimin atajúrtynyng iygiligine jarata bildi. Aqsha quyp alasúrghan joq. Respublikamyzdyng qúrylyp, qalyptasuy kezinde alashtyng arda úly retinde janarghan qoghamda, janghyrghan sanada, tarih tolqynynda óz izin qaltyrdy. Uaqyt kerueni әrqashan adal enbekpen, izgi niyetpen bastalghan isting berekesin molynan berip, tórin úsynady. Tәkenning әzirgi jetken biyigi men alghan qamaly sony dәleldep otyr. Kókjiyek әli keneyedi, kórkem bolashaq alda qol búlghaydy.

Omarәli Ádilbekúly

Abai.kz