Qasiretti qantar oqighalarynyng ayaqtalghanyna bir aidyng jýzi boldy. Tәuelsiz Qazaqstan búryn-sondy kórmegen qandy qyrghyn el irgesin shayqaltugha shaq qalghany ras. Kóshege shyqqan myndaghan beybit sherushilerding arasyna qosylghan býlikshi toptar elimizding iri qalasy Almatynyng bir kýnde apay-topayyn shaghardy.

Ákimdik órtendi, dýkender tonaldy, kólikter qirady. Preziydent Qasym-Jomart Toqaev halyqty basugha shaqyryp qayta-qayta memlekettik telearnalardan ýndeu jasady, әleumettik jelide de habarlama jazyp otyrdy. Qantardaghy sheruding arty qandy qyrghyngha úlasa bastaghannan keyin memleket basshysy 5 qantar kýni ÚQShÚ әskerlerinen kómek súrady. Bitimgerlik әskeri elimizding manyzdy nysandaryn kýzetip, el ishi tynyshtalghan song 13 qantardan bastap Preziydentting búiryghymen Qazaqstannan shygharyla bastady. Missiyasyn tolyq ayaqtaghan ÚQShÚ әskeri 19 qantar kýni tolyqtay elden ketti.

Preziydent Qasym-Jomart Toqaev qantar býliginen keyin el tizginin búrynghydan beter tarta týsti. Memleket qúramy ózgertildi. Jauapqa tartyluy tiyis lauazymdy túlghalar jauapkershilikten qashyp qútyla almaytynyn kórdik. Aldaghy uaqytta әli de tergep-tekseru júmystary jalghasa bermek. Memleket basshysynyng «Jana Qazaqstandy birge qúrayyq!» degen úranynan keyin, Qazaqstannyng janaratynyna әrkimde bir ýmit payda boldy. Bir ay búrynghy qasiretti qantar oqighalarynan keyin etek-jenin jana jinay bastaghan elimiz búdan qanday sabaq aluy kerek? Biz sayasatker Samat Núrtaza myrzagha habarlasyp, pikir súradyq.

Samat Núrtaza:

- Konstitusiya boyynsha Preziydentimiz qauipsizdikting kepili ghoy, sondyqtan ol kisining mindeti óz halqyn qorghau. Qantardyng basynda bizge qiyn-qystau zaman tughanda Preziydentimiz keybir elderding basshylary siyaqty qashyp ketpey, óz qara basyn oilamay, ózining bedelin, biografiyasyn deuge bolady, bәigege salyp elimizdi qorghady. Batyl sheshimder qabyldady. Mýmkin, batystyng sarapshylary, keybir memleketter ÚQShÚ qúramyndaghy memleketterden kómek súraudy әli kýnge deyin týsinbey otyr. Búl jerde Qazaqstan ózining dostaryn kómekke shaqyrdy dep esepteuge bolady. Men oghan kәmil senemin. Sebebi, adam ózi qinalghanda dostaryn shaqyrady ghoy, sol siyaqty memlekette qinalghan tústa dostaryn shaqyrdy. Dostary keldi, kómektesti, qorghady, qaytadan elderine ketti. Keybir adamdardyng qorqynyshy boldy ghoy, «olar qalyp qoyady, shyqpaydy» degen. Olay emes. Ákki diplomat retinde, kәsipqoy sayasatker retinde Preziydentimiz olardy әkele de bildi, shyghara da bildi. Sondyqtan, búl jerde taza logikamen sóileu kerek dep esepteymin.

Qantar aiynda, әsirese, Almaty qalasynyng halqy zardap shekti. Sonday kezde Memleket basshysy jaghdaydy óz qolyna alyp, senimsiz adamdardy lauazymynan aiyryp, senimdi adamdardyng ókilettigin keneytti. Jalpy mәseleni sheshti dep esepteymin. Osynday qiyn-qystau zamanda bir qatelik ketip, Almaty qalasy nemese jaqyn qalalar terrorshylargha, qylmyskerlerge ótip ketkende ne bolar edi? Ony elestetuding ózi qorqynyshty. Osy qantar qasiretinen keyin bizde beybit ómirdin, ashyq aspannyng qadirin týsindik. Búryn auyzben aityp qana qoysaq, býginde jýrekpen týsindik. Janyp jatqan ghimaratty, kólikti kórdik. Mert bolghan beybit halyqty kórdik. Oqqa úshqan polisiya qyzmetkerlerin kórdik. Sondyqtan da, osynyng bәri ýlken sabaq bolady. «Qandy sabaq» bolady deuge negiz bar. Bizding jәne bolashaq úqpaqtyng mindeti osy «qandy qantardan» sabaq alyp, onyng qaytalanbauyna atsalysuymyz kerek. Tynyshtyqtyng keremet syy ekenin týsinip jatyrmyz. Mening tilegim: halqymyz osy túraqtylyq pen tynyshtyqty baghalay bilse deymin.

Abai.kz