Býgin Mәjilis Tóraghasy Erlan Qoshanov pen Qazaqstangha resmy saparmen kelgen Ózbekstannyng Oliy Majlis Zang shygharu palatasynyng Spiykeri Nurdinjon Ismoilov Parlamentaralyq yntymaqtastyq kenesin qúru turaly Kelisimge qol qoydy.     

Kezdesu barysynda Erlan Qoshanov Qazaqstan men Ózbekstan Preziydentteri Qasym-Jomart Toqaev pen  Shavkat Miromonovich Mirziyyoevting kóregen, saliqaly sayasatynyn, sonymen birge, dostyq peyilderining arqasynda býginde eki el arasyndaghy yntymaqtastyq óte joghary dengeyge kóterilgenin, sonyng nәtiyjesinde zang shygharu organdary arasyndaghy әriptestik te jyl sayyn nyghayyp kele jatqanyn atap ótti.

Oghan dәlel retinde Mәjilis Tóraghasy jaqynda Ózbekstan Preziydentining bizding elimizge sapary barysynda qos el Preziydentterining parlamentaralyq yntymaqtastyq turaly kenesti qúru kelisimine qol jetkizgenin, onyng tarihy manyzyn  algha tarta kelip,  bizding elderimiz tәuelsizdik alghan kýnnen bastap, bir-birine qoldau kórsetip, qos memleketting órkeniyeti jolynda berik, ýilesimdi, syndarly qarym-qatynas ornaghanyn aitty. Jana qúrylghan Kenes bizding memleketterimizding yqpaldastyghyna tyng serpin beretinin, qol jetken tabystarymyzdy odan ary terendetip, Preziydentterimizding barlyq sala boyynsha kelisimderin tiyimdi jýzege asyrugha, zannamalyq yntymaqtastyqty kýsheytuge jana jol ashatynyn atap ótti.

Óz kezeginde mәrtebeli meyman búl kelisim arqyly eki eldin, sonyng ishinde, parlamenttar arasyndaghy yntymaqtastyqty damytudyng jana kezeni bastalghanyn, zang shygharushy organdar memleket basshylarynyng kelisimderin jýzege asyru ýshin bar kýsh-jigerlerin arnaytynyn jetkizdi.

Biyl qos memleket arasynda diplomatiyalyq qatynastyng ornaghanyna tura 30 jyl tolady. Býginde Ózbekstan Qazaqstannyng iri ekonomikalyq әriptesi sanalady. Qazaqstanda ózbek kapitalynyng qatysuymen mynnan astam birlesken kәsiporyn júmys isteydi.

Sonday-aq, kólik-logistika, qúrylys, tranzit jәne turizm basqa da salalarda әriptestik әleueti joghary.

Kezdesu barysynda Erlan Qoshanov Qazaqstan Preziydentining atynan Nurdinjon Ismoilovqa  bauyrlas halyqtar arasyndaghy yntymaqtastyq pen dostyqty nyghaytugha qosqan zor ýlesi ýshin II «Dostyq» ordenin tabys etti.

Abai.kz