Ótken sәrsenbide (23.02.2022 j) Niu-York uaqytymen keshke qaray BÚÚ-nyng qúzyryndaghy Qauipsizdik kenesining otyrysy bolyp, jiyngha bas hatshy Antoniu Guterrishting ózi qatysty. Jiyn negizinen Reseyding Ukrainagha jasap otyrghan qoqan-loqqysyna arnalghan edi. Áne-mine soghys órti tútanyp ketui mýmkin ekendigin eskergen Bas hatshy Guterrish jiyn barysynda RF preziydenti Putinge ýndeu jasap: «Give peace a chance», yaghny «әlemge tynyshtyq beriniz», – dedi.

Guterrishting ýndeui jariyalanghan song jarty saghattan keyin Mәskeu uaqyty boyynsha tanghy saghat 5-te Putin Reseyding memelekettik telearnalarynan sóilep, Ukrainagha soghys ashyp jiberdi. Putinning búl sózi aldyn-ala – 21 aqpanda jazylyp qoyghan degen sóz bar. Soghan qaraghanda Kremli tek BÚÚ-nyng mәlimdemesin ghana kýtip otyrsa kerek. Qazir Resey әskeri Ukrainanyng jerinde qandy qyrghyn jasap jatyr. Putin men Reseyding Memlekettik Dumasy ghana moyyndaghan «DHR» men «LHR»-dy ukrain «últshyldarynyng ezgisinen» qútqaryp, aimaqty azat etedi degen Resey armiyasynyng әskery әreketi tura Kiyevting ózinen bastaldy. El astanasynda strategiyalyq nysandargha әue shabuyldary jasalyp, ghimarattar otqa oranghan.

Soghystyng aldynda Putin Ukrainanyng qaruly kýshterine ses kórsetip, «qarularyndy tastandar da ýilerine qaytyndar. Sender halyq aldynda ant bergende hunta jasau ýshin ant bergen joqsyndar» degen edi. Al Ukraina preziydenti Vladimir Zelenskiy bolsa telearnalardan Resey halyqyna qarata sóilep, «sizder orys baspasózine senbenizder, orys jurnalisteri sizderge jalghan aqparattar berumen keledi. Ukrainada últtyq kemsitu, zorlyq-zombylyq atymen joq» degen-di. Ukraina preziydenti búl sózderdi orys tilinde aitty. Alayda soghysqúmar әri әsire sayasilanyp ketken Resey jurnalisteri Ukraina halqyna qarsy aqparattyq agressiya jasaudan bir sәtke tartynghan joq. Jaulyqty jalghastyryp, orysty bauyrlas ukraina halqyna jauyqtyra týsti. Osy kýnderi Batys memleketteri, sonyng ishinde Úlybritaniya Resey arnalarynyng taraluyna tiym saludy qolgha aldy. Kremli de qarymta qaytaryp VVS-di kórsetpeymiz dep jatyr.

Sonymen Putin orys armiyasyna búiryq berip, Ukrainagha basyp kirdi. Putinning múnysyn tórtkýl dýniyening halqy «jahangha qarsy jasalghan joryq» dep baghalauda. Putinning joryghyn AQSh-qa qarsy birige qalatyn resmy Beyjinning ózi qoldamady. «Qynyr kisi bir jaq, qyryq kisi bir jaq» demekshi, Putin qazir jalghyz. Ol orys әskerining qaruyn әlemde tendesi joq qaru dep maqtap, orys әskerin arqagha qaghyp soghysqa aidap saldy. Múnyng aqyry Kremliding tóbesine tigilgen Ukrain tuynyng jelbireuimen ayaqtalady deydi keybir sarapshylar. Putin bolsa, kim aldymnan shyghyp, jolymdy kesse, ayamaymyn, qatygezdikpen ezip-janshimyn degendi aitady. Qaranyz: «Hochu obratitisya k vneshnim silam, kto by ne pytalsya sozdati ugrozy dlya Rossii, otvet budet nezamedliytelinym. Ny u kogo ne doljno byti somneniya, chto pryamoe napadenie na Rossii priyvedet k razgromu y ujasnym posledstviyam dlya potensialinogo agressora».

Qysaqsy, Putinge soghys ne ýshin kerek boldy? Ázirge búl súraqqa jauap ashyq aitylmasa da belgilisi: Putinge soghys Mәskeuding әlemdik sayasatqa yqpalyn әlsiretip almau ýshin, Batysqa Ukrainany berip qoymau ýshin, ainalasyndaghy elderding batysshyl bolyp damyp ketpeui ýshin, búrynghy KSRO-nyng qúramyndaghy elderding bәrin bir ózi biylep-tóstep otyru ýshin kerek boldy. Onyng syrtynda RF-da preziydent saylauy kele jatyr. Eldegi kýrdeli mәselelerdi rettey almaytyndyqtan ózge júrttyng jerine shala tastap, soghys ashyp jiberetin orys biyleushilerining bayaghy tәsiline baghyp, mine, Putin de sanksiyalardan kýizelgen halqynyng qal-jaghdayyna qaramastan, qan maydangha kirdi de ketti.

«Men Putindi Nikolay I úqsatamyn. Bizding atalarymyz Qyrymda Nikolaydyng «artyn jyrtyp» jibergen bolatyn. Biz sony taghy da qaytalay alamyz» dedi Úlybritaniyanyng Qorghanys ministri Ben Uolles.
Ben Uolles osylay degenimen әzirge Putinning beti qatty. AQSh pen Batys ta «ә» degenge «mә» demey sanksiyalarmen shektelude. Sanksiyalar biraq jeri bay, halqy kóp, onyng ýstine tóniregindegi elderge ýstemdigin jýrgizip, orystyng may sasyghan zauyttarynan shyqqan dýniyelerdi tyqpalap, eksport jasap otyrghan Mәskeuge sonshalyqty tereng әser ete qoymaytyn da siyaqty. Sóz joq, Resey-Ukraina qaqtyghysy bizge de salqynyn tiygizeri anyq.

Startegiyalyq әriptes әri kórshi, әri sayasi-ekonomikalyq әm әskery odaqtas memleketter retinde Qazaqstan RF-nyng jaghynda bolugha mәjbýr. Alayda Aqorda beybit ómirdi qoldap, beytarap sayasat ústanugha úmtylady. Áytkenmende Resey әskerine Belarus әskeri qosylyp Ukrainagha attanghanyn eskersek, ahualdyng aldaghy kýnderi kýdelene týsui mýmkin.

Dәuren Quat

Abai.kz