Senat spiykeri Mәulen Áshimbaev Resey Qazaqstannan әskery kómek súramady dep mәlimdedi. 24 aqpanda aqparat qúraldary spiykerden Resey kómek súrasa, Qazaqstan Ukrainagha әskerin jibere me dep súraghan.

– Eki jaqty format ayasynda Resey bizge qayyrylghan joq jәne qayyrylmaydy dep te oilaymyn, – dedi senat tóraghasy.

Spiyker sonymen birge qazaqstandyq bitimger әskerdi qaqtyghys aimaghyna jiberu yqtimaldyghy turaly súraqqa jauap berdi.

— Búl túrghyda bizding ústanymymyz aiqyn: Qazaqstan BÚÚ mandatyna say óz bitimger әskerin ÚQShÚ aimaghynan tys jerge jibere alady. Al ÚQShÚ-nyng bitimger kýshteri úiymgha mýshe elderding aumaghynda ghana paydalanyla alady. Qaqtyghys aimaghy (Ukraina - red.) úiymgha mýshe elderding territoriyasyna kirmeydi, – dedi senat spiykeri.

Áshimbaev sonymen birge "eger BÚÚ dengeyinde sheshim qabyldanyp, ózge elder ony qoldasa, BÚÚ mandatyna sәikes Qazaqstan bitimger әskerin әlemning kez kelgen jerine jibere alady" dedi.

Ukrainadaghy jaghdaygha toqtalghan senat spiykeri:

– Mening oiymsha, búl óte kýrdeli qaqtyghys. Biz әskery teketires, sanksiyalar soghysyna kuә bolyp otyrmyz, – dedi ol.

Ol búghan qosa, "daghdarysty diplomatiyalyq jolmen sheshuge әli de bolsa mýmkindik" bar dep Qazaqstan "qaqtyghystyng beybit jolmen sheshiluine mýddeli" dedi.

Onyng oiynsha, "taraptardyng mýddesin eskeretin kelissózder" jýrgizilui tiyis. Senat spiykerining pikirinshe, atalghan kelissózderdi BÚÚ jarghysy ayasynda ótkizu tiyimdirek.

24 aqpanda tanerteng Resey preziydenti Vladimir Putin Ukrainany "demilitarizasiyalau" maqsatynda Donbasta "әskery operasiya" bastalghanyn habarlaghan. Putinning sózinen keyin Harikov, Kiyev, Kramatorsk qalalarynda jarylys (búl qalalar Donbasqa kirmeydi) bolghany jayly habar tarady. Odan bólek, Donbasta separatisterding atqylaudy kýsheytkeni habarlandy.

Abai.kz