Qardyng eruinen bolghan su tasqynynan Batys Qazaqstan obylysynda birneshe eldi meken su astynda qaldy.

QR Tótenshe jaghdaylar ministrligi: «BQO Jәnibek audany Jaqsybay eldi mekeninde su basu saldarynan 108 bas mal qyryldy», -dep aqparat berdi. Vedomstvo mәlimetinshe, su tasqyny bastalghannan beri 8 eldi mekende 184 túrghyn jәne 15 sayajay ýileri, 2 әleumettik nysan erigen qar suynyng astynda qaldy. Pavlodar jәne Aqtóbe oblystaryndaghy 43 ýiden su búryldy.

«841 adam aldyn ala evakuasiyalandy, onyng ishinde 430-y uaqytsha evakuasiyalau punktterinde, 411-i tuysqandarynda ornalastyryldy. Su basqan 141 túrghyn jәne 15 sayajay ýileri baqylauda», - dedi ministrlik.

Búghan deyin 3 sәuirde ótken brifingte, BQO әkimining orynbasary Temirhan Mendighaliyev: «Batys Qazaqstan oblysy aumaghynda 140 ýidi, 2 әleumettik nysandy su bassa, 67 kishi mal týligining shyghyny boldy. Su basqan ýilerden 749 adam kóshirildi, onyng ishinde 215-i bala. Qazirgi uaqytta 2 respublikalyq manyzdaghy joldy su shayyp ótti.   Ekeui de bir tәulik ishinde toqtady. Sonymen qatar, oblystyq jәne audandyq manyzdaghy joldardy da  su basyp qaldy. Eldi mekenderge qauip tónip túrghan joq. Audanda 267 adam, 51 birlik tehnika, 6 jýzu qúraldary, 13 motopompa júmys jasauda. Qalyptasqan tótenshe jaghdaygha baylanysty oblysymyzdyng 4 audanynda tótenshe jaghday rejiymi jariyalandy», - degen bolatyn.

BQO boyynsha tótenshe jaghdaylar departamentining basshysy Ernúr Ótegenovtyng aituynsha, su tasqyny syrttan kelgen, Jaqsybay auylynyng qasynda eshqanday qauip tóndiretin ózen joq. Jaghday kórshiles jatqan Resey Federasiyasyndaghy kýnning qatty jylynuynan bolyp otyr.

«Jaqsybay auylynda mal shyghyny boldy, biraq su basugha baylanysty tolyq esepteuler ótkiziledi. Eng bastysy, su ketpey túrghanda adam ómirin saqtap qalu jәne sudy auyldan shygharu boyynsha júmystar jýrgizilude. Audan tarapynan komissiya qúryldy, keltirilgen zalaldyng shyghyndaryn esepteu, әleumettik súraqtar boyynsha audan әkimshiligi óz tarapynan júmystardy jýrgizude», - dedi ol.

Jergilikti biylik ókilderi auylan kóshirilgen túrghyndar ýshin barlyq jaghday jasalghanyn, adamdargha esh qauip túrmaghanyn jetkizgen. Qazirgi sәtte túrghyndargha kómek kórsetu ýshin eriktiler toby qúrylyp, kómek qolyn sozushylar ýshin esepshot ashylghan.

2 sәuirde Batys Qazaqstan oblysynyng 3 audanynda su tasqynyna baylanysty tótenshe jaghday jariyalanghan. Qazir Bórili, Qaratóbe jәne Shynghyrlau audandarynda tótenshe jaghday bolyp túr. Sәuir bastalghaly Aqtóbe oblysynda da su kóterilip jatqany turaly habarlar kelip jatyr. Erigen qar men tasyghan ózennen Aqtóbe manyndaghy birneshe eldimekendi su basyp qalghan.

Abai.kz