Býgin QR Últtyq qauipsizdik komiyteti «Tynshylyq, memleketke opasyzdyq, memlekettik qúpiyalardy zansyz jinau jәne jariya etu» boyynsha kýdiktilerding ústalghany turaly habarlady. Ústalghandardyng ishinde shetel azamaty da bar.

«QR QK 175-babynyng 1-bóligi (memleketke opasyzdyq jasau), 176-baby (tynshylyq) jәne 185-babynyng 3-bóligi (memlekettik qúpiyalardy zansyz jinau jәne jariya etu) boyynsha qylmystyq ister qozghaldy. Qylmystyq isterge «qúpiya» degen tanba basylghan. Tergeuge qatysty ózge aqparattar jariya etilmeydi», - delingen QR ÚQK habarlamasynda.

Búghan deyin Últtyq qauipsizdik komiyteti preziydent Qasym-Jomart Toqaev pen birqatar joghary lauazymdy memlekettik qyzmetshilerge qastandyq jasamaq bolghan sheteldik barlau agentining ústalghany turaly habarlaghan bolatyn. Sheteldik barlau agenti bolyp isteytin Qazaqstan azamatyn tintu kezinde sheteldik dybys óshirgishi bar snayperlik vintovka, esirtki zattary jәne iri aqsha somasy tәrkilengen. Qaru Qazaqstangha bólshektelip jetkizilgen.

«Aldyn ala tergeu barysynda QR azamaty jogharyda kórsetilgen isterdi shetel memleketining tapsyrmasy jәne mýddesinde jasaghanyn moyyndady», - dep habarlady komiytetting taratqan habarlamasynda.

Esterinizge sala keteyik, 2022 jyly 6 qantarda Qazaqstannyng búrynghy ÚQK tóraghasy Kәrim Mәsimov pen onyng eki orybasary ústalyp, «memleketke opasyzdyq jasau» baby boyynsha kýdikke ilingen bolatyn. Qazir olardyng ýstinen bes qylmystyq is qozghalyp jatyr. Bir qyzyghy,  Mәsimovtyng isine de «asa qúpiya» móri basylghan edi. Ony ÚQK «Sotqa deyingi tergep-tekseruding basqa da derekteri qylmystyq is jýrgizu kodeksining 201-babyna sәikes jariya etuge jatpaydy» dep týsindirgen bolatyn.

Abai.kz