«Qaterli isikke shaldyqqan Resey preziydenti Vladimir Putin biyl sәuirde em qabyldaghan. Nauryz aiynda oghan qastandyq jasaldy. Búl mәlimetter AQSh barlau qyzmetkerlerining qúpiya bayandamasynda jazylghan», - deydi Newsweek aghylshyn jurnaly.

Basylym derekterdi AQSh barlau qoghamdastyghynyng tórtinshi qúpiya bayandamasymen tanys AQSh Últtyq barlau diyrektorynyng (ODNI) ókili, otstavkadaghy әskery - әue kýshterining agha ofiyseri jәne Pentagon barlau bólimining (DIA) qyzmetkerinen alghan.

Aqparat berushilerding aituynsha, Putinning kýni bituge jaqyn, ony bәrining ishi sezip otyr. Putinning sheteldik memleket basshylarymen kezdesuleri azayghan. Onyng búlay oqshaulanuy aqparat alugha kedergi keltirip otyr. Ukrainamen soghys bastalghaly beri, mәlimet alu tipti qiyndap ketken.

Reseyding Ukrainamen soghys jýrgizip jatqanyna 3 aidan asty. Ázirge keskilesken maydannyng toqtaytyn týri kórinbeydi. Putin bir kelisimge keluden bas tartyp otyr. Ol әli de bolsa Resey әskerining kýshtiligine senip otyrghangha úqsaydy. Býgingi kýni Ukrainadan 12,8 million adam ýi-jayyn tastap, bosyp ketti.

Lugansk әskery әkimshiligining basshysy Sergey Gaydaydyng aituynsha, Resey Lugansk oblysyndaghy Europalyq dengeydegi 400 km-den astam joldyn, 70-ke juyq zamanauy mektep pen 50 balabaqshanyn, 33 auruhana men 237 auyldyq ambulatoriyanyng tas-talqanyn shyghardy. Búl tek bir oblystaghy jaghday.

Búrynghy Reseylik bankiyr, milliarder Sergey Pugachev Reseyding Ukrainadaghy oiranyn Ýshinshi dýniyejýzilik soghysqa teneytinin aitypty.

«Soghystyng úzaqqa sozylatynyn bilgen edim. Sebebi búl soghys atatyn oq tausylghanda bir-aq toqtaydy. Búl degenimiz belgili bir maghynada ýshinshi dýniyejýzilik soghysqa ten, al dýniyejýzilik soghys ýsh aida toqtay qoymaydy. Ásirese, eki elding preziydentterin qosa alghanda, kadrlyq ózgerister bolghan joq... Búl soghys әlemning qúrylysyn ýsh-aq aida ózgertip jiberdi. Búl óte jyldam boldy», - deydi ol.

Reseylik jurnalist Aleksandr Nevzorov Europanyng әli Putindi tany almay jýrgenin aitady.

«Ukrainanyng bir bólshegin berip, Putinning aranyn toltyramyz deytinder qatelesedi. Makron siyaqtylar, Putinning qandy azuyna Herson men Doneskini ilip bersek, agressor soghan riza bolyp, shalqiyp jatady dep oilap jýr. Búl Makrondardyng psihiatriyadan habary joq eken. Olar qanisherlerding oiynda ne bar ekenin bilmeydi. Sizderge belgili, azamzat balasy yadrolyq qarugha tartylyp túratyn qanisherler turaly sansyz filimdermen tәrbiyelendi. Endeshe qúttyqtaymyn. Qanisher shyn ómirde soghan jetti.

24 aqpanda ótken shaqtyng qandy әleminen kelgen kelimsekter Jer sharyn qaptady. Olar búl әlemdi jan-tәnimen jek kóredi. Olar búl әlemdi qorghaghysy kelmeydi. Ukrainadaghy ólikterding sany olardy qorqytpaydy, kerisinshe shabyttandyrady. Olargha 100 myndap ólgen adamdar men qiratylghan qalalar әli de azdyq etedi», - dep sipattady Nevzorov Reseyding ylanyn.

Ayjan Temirhan

Abai.kz