Ótken aptada elimizde joghary lauazymdy oryndarda auys-týiister boldy. Janadan qúrylghan oblystardyng әkimderi saylandy.

Úlytau oblysynyng әkimi qyzmetine Berik Ábdighaliyúly keldi. Ol 2019-2021 jyldary Qaraghandy oblysy Úlytau audanynyng әkimi, 2021 jyldan qazirge deyin Mәjiliste deputat boldy.

Abay oblysynyng әkimi bolyp Núrlan Úranhaev saylandy. Ol «Qazaq qúrylys jәne sәulet ghylymiy-zertteu jәne jobalau instituty» aksionerlik qoghamynyng bas diyrektory qyzmetin atqarghan, keyin Almaty qalasy Sәulet jәne qala qúrylysy basqarmasyn, Núr-Súltan qalasynyng sәulet, qala qúrylysy jәne jer qatynastary basqarmasyn basqardy.

Jetisu oblysynyng әkimi bolyp Beybit Isabaev taghayyndaldy. Ol kóptegen uaqyt boyy shetelderde Qazaqstannyng tótenshe jәne ókiletti elshisi bolyp qyzmet istegen: Pәkistanda, Týrkiyada, Albaniyada, Qyrghyzstanda, Ázirbayjanda elshi bolghan. Biyl 20 qantardan bastap Parlament Senatynyng Áleumettik-mәdeny damu jәne ghylym komiytetining tóraghasy bolyp saylanghan.

Byltyr qarashada Almaty oblysyna әkim bolyp kelgen Qanat Bozymbaev kýtpegen jerden qyzmetinen bosatyldy. Onyng basqa qyzmetke auysatyny aityldy. Onyng ornyna oblys әkimi bolyp Marat Súltanghaziyev saylandy. Súltanghaziyev 2021 jyldyng mamyrynan 2022 jyldyng qantaryna deyin QR Qarjy viyse-ministri qyzmetin atqardy. Biylghy qantardan bastap qazirge deyin QR Qarjy birinshi viyse-ministri boldy.

Qazaqstanda eski biylikting eski adamdary lauazymdy qyzmetterinen bosatylyp jatyr. Biraq, Shyghys Qazaqstan oblysynyng zeynetker әkimi Danial Ahmetovtyng qyzmeti kerisinshe bir jylgha úzartyldy.

Ahmetov biyl 68 jasqa tolady. 2014 jyldan bastap Shyghys Qazaqstannyng әkimi bolyp keledi. Búrynghy preziydent Núrsúltan Nazarbaev 2017 jyly Danial Ahmetov zeynet jasyna jetkende, onyng qúziretin taghy bes jylgha, 2022 jyldyng mausym aiyna deyin úzartqan edi.

Danial Ahmetovting әkim bolyp jýrgenine 8 jylgha tayady. Ár bes jyl sayyn janalanyp, saylanyp otyruy tiyis Parlament pen Preziydentting qyzmet merziminen de asyp jyghyldy. Shyghys Qazaqstan oblysynyng әkimi nege janalanbaydy? Álde Danial Ahmetov bagha jetpes kadr, zamanauy bilikti menedjer me? Biz búl turaly jurnalist, qogham qayratkeri Ermúrat Bapiyden súradyq.

Ahmetovting qyzmette qaluy - Toqaev pen Nazarbaevtyng ymyrasy

Ermúrat Bapi:

- Mening oiymsha Danial Ahmetovtyng eks-preziydent Nazarbaevtyng aldynda qabyldaghan biraz mindetteri bar. Esterinizde bolsa, byltyrghy jyldyng kýzinen beri Qazaqstannyng energetika salasyn jekeshelendiru jóninde memlekettik dәrejedegi mәseleler kóterilip jýr.

Ásirese, Shyghys Qazaqstan oblysyndaghy Óskemen, Shýlbi su elektr stansiyalaryn jәne basqa da aimaqtaghy elektr jelilerin jekemenshikke ótkizu turaly jii aityla bastady.

Biraq, Qazaqstannyng qazirgi energetikalyq jaghdayyna nazar audarsaq, búl salany jekege beruding esh qajeti joq. Óitkeni, belgili bir salany jekemenshikke beru ýshin, ol daghdarysqa úshyrap, qarjy tapshylyghy sezilip, ary qaray damy almaytyn jaghdaygha týsui kerek. Bizding elding energetikalyq sektory onday daghdarys jaghdayyna týsken joq. Ári «Birikken Arab Ámirligindegi belgisiz bir kompaniya bizding energetika sektorymyzgha qarjy qúyady. Sol kompaniyanyng mýddesine jekeleshelendirip beredi» degen derekter ashyq aqparat qúraldarynda jariya boldy.

Osy jaghdaylardy saralay kele, boljam jasadym. Danial Ahmetov Shyghys Qazaqstandaghy energetika sektoryn jekeshelendiru mәselesin sheship, BAÁ investisiyalyq kompaniyasyna jekege shygharyp berudi ayaghyna jetkizui qajet bolyp otyr. Búl kompaniyanyng artynda әldebir sheyhter nemese BAÁ eli túrghan joq, onyng artynda BAÁ-ne aparyp jasyrylghan Qazaqstannyng qarjysy túr dep oilaymyn. Paydasy kóp energetikalyq sektordy jekege shygharu sol qarjyny elge әkelip, juyp-shaidyng bir tәsili.

Danial Ahmetovtyng orynan ketpey otyrghany, sol Shyghys Qazaqstannyng energetika salasyn OAE kompaniyasyna jekege shygharyp beru dep oilaymyn.

2019 jyly búrynghy preziydent Núrsúltan Nazarbaev pen Qasym-Jomart Toqaevtyng arasynda astyrtyn ymyra boldy. Qasynda túrmasaq ta, onday kelisim bolghany anyq. Ahmetovtyng jekeshelendiru isi de osy mәmilening bir tarmaghy boluy mýmkin. Áytpese Danial Ahmetovty basyp ozatyn, qazirgi naryq jaghdayynda oblysty tiyimdi basqara alatyn mamandar jetkilikti. Soghan qaramastan, Ahmetovtyng qúziretin bir jylgha sozdy. Múnyng astarynda jeke paydany kózdegen astyrtyn mәmileler jatyr.

Ahmetov eski gvardiyadan qalghan, sovettik josparly sharuashylyqtyng ortanqol mamany. Ózi tolyq mәlimdegi ekonomist te,  injener de, sayasy túlgha da emes. Ol kezindegi Nazarbaevtyng mýddesine qyzmet etken, sonyng kapitalyn saqtaugha, soghan tiyesili óndiris oryndaryna ie bolugha biznes әriptes retinde qalyptasqan túlgha.

Danial Ahmetovtyng bir jylgha qaluy Shyghys Qazaqstannyng jeke jaghdayyn jaqsartu niyetinen emes, onyng artynda auqymdy kólemdegi qúityrqy esep-qisaptar bar dep oilaymyn.

Ayjan Temirhan

Abai.kz