Preziydent Qasym-Jomart Toqaev Últtyq qúryltaydyng qúramy men erejesin óz Jarlyghymen bekitti. Búl turaly QR Memlekettik kenesshi Erlan Qarin óz telegram arnasynda jazdy. Qúryltay qúramy qoghamgha qozghau sala biletin azamattyq qogham belsendileri men eltútqa azamattardan qúralypty. Auzy dualy aqsaqal agha buyn men sózi alymdy, pikiri shalymdy orta buynyng beldi ókilderining basy qosylatynyn bayqadyq. Enbek Eri Iliya Jaqanov, halyq jazushysy Múhtar Shahanov, gharyshker Toqtar Áubәkirov, matematik Asqar Júmadildaev, qogham jәne memleket qayratkeri Jaqsybek Kýlekeev, Álihan Bәimenov, sayasatkerler Ermúrat Bapi, Núrtay Sabilyanov, Dәulet Túrlyhanov, Darhan Qydyrәli syndy ataghy atan týiege jýk bolar esimderding boluy Qúryltaydyng salmaghyn arttyrary sózsiz.

Orta buynnan biotehnolog-ghalym, qazaqstandyq vaksinanyng týzushisi Kýnsúlu Zakariya, dintanushy Qayrat Joldybayúly, til ghylymynyng bilgiri Anar Fazyljan, belgili qogham belsendisi, ekolog Azamathan Ámirtay, joghary bilim salasynyng beldi ókili akademik Kәrimbek Qúramanәliyev, Rauan Kenjehan, qar barsynyng joghyn joqtaghan Arman Qashqynbekov te osy qúramnan tabyluy qoghamdaghy bilim, densaulyq saqtau, til, din jәne ekologiya syndy tolghaqty mәselelerding kýn tәrtibinde túrghanyn angharu qiyn emes. Memleket búl mәselelerge jiti mәn berip otyr dep týidik. Qúryltay qúramynda barlyghy 117 adam bekitilipti.

Memlekettik kenesshining aituynsha, Últtyq qúryltaydyng alghashqy qúramyna әrbir ónirding Qoghamdyq kenesinen bir ókilden enipti. Últtyq qúryltaydyng ereksheligi de sonda. Múny da jón eken dedik. Yaghni, el auqymyndaghy pikiralmasu alanynda barlyq ónirding óz ókili bar, geografiyalyq aspekt eskerilgeni quantady.

Odan ózge Parlament deputattary, sayasy partiyalar, biznes, medisina, bilim beru, mәdeniyet, sport, adamdardyng qúqyn qorghau jәne basqa da salalyq qúrylymdarynyng beldi ókilderi Últtyq qúryltaydyng osy qúramynan tabylghan eken. Ózbasym sayasattanushy deputat Aydos Sarym,Erlan Sairov, Janarbek Áshimjan, Júldyz Sýleymenova, qogham qayratkeri Múrat Ábenov, fermerler qauymdastyghynyng preziydenti Jiguly Dayrabaev, adam qúqyn qorghaushy Ayman Omarova, media-menedjerler Lәzzat Tanysbay, Berik Uәli, Qanat Sahariya, bas redaktorlar Kluby Preziydenti Biybigýl Jeksenbay, Serik Ábikenúly, jazushylar odaghy tóraghasynyng orynbasary Aqberen Elgezek, óner qayratkeri Azamat Satybaldy, jurnalist Maqsat Tolyqbay, kәsipker Syrymbek Tau, «Qazaq tili» qoghamynyng viyse-preziydenti Maksim Rojiyn, sayasattanushylar Talghat Qaliyev, Gýlmira Ileuova, Qazybek Maygeldinov, qogham belsendisi Aygýl Orynbek, Samat Núrtaza, jastar belsendisi Oljas Sýleymen, rektorlar korpusynan Qaraghandydan Núrlan Dulatbekov, Almatydan Gýlmira Qanay, kóp balaly analardyng kýiin kýittep jýrgen Lәzzat Qojahmet, zanger Marat Bәshimov, membasqaru akademiyasy Aqmola filialy diyrektory Bella Gazdiyeva jәne taghy basqa tanymal esimderding Qúryltay qúramyna enui memleketting qogham men biylik arasynda jan-jaqty, tolyqqandy dialog ornatudy kózdeytin talpynysyn anghardyq.

Demek, salalyq aspekt de qamtylyp otyr, әrkimning mýddesi eskerildi. Qúryltay júmysyna jastar kóshbasshylary men qogham belsendileri de tartylypty. Sondyqtan jas jaghynan alghanda agha buyn, orta buyn jәne jas buynnyng týrli mýddesi eskerilip otyr.

Erlan Qarin sonday-aq, búl Qúryltaydyng búrynghy Últtyq kenesten ereksheligin de aitypty. Aytuynsha, búrynghy últtyq kenes kóbine kýndelikti kýiip túrghan ózekjardy mәselelerdi talqylasa, últtyq qúryltay últty biriktiretin alysqa baghyttalghan, keleshekti kózdeytin strategiyalyq manyzdy mәseleler boyynsha talqylau ótkizip, úsynys jinaydy.

Últtyq qúryltaydyng ayasynda onlayn-platforma qúrylghan eken. Búdan bylay elding kókeytesti mәselesine qyzyghushylyq tanytqan barlyq azamat Últtyq qúryltaydyng hatshylyghyna óz úsynys, pikirin jibere alady.

Jana Qazaqstannyng osynday janashyl bastamalaryna sәttilik tiledik. Qúryltaydyng әrbir mýshesi rasynda da qoghamda ózindik orny bar salmaqty túlghalar ekenine quandyq. Barshasynyng enbegi jana bersin. Qúram myqty. Qalghany isinen kórinsin !

Qanat Áuesbay

Abai.kz