Kiyevke soghys bastalghannan keyin alghash ret Germaniya, Italiya, Fransiya jәne Rumyniya basshylary bardy. Fransiya men Germaniya basshylary Reseyding Ukrainagha jasaghan agressiyasynda qatang pozisiya ústanbay, ýnemi kelissózge shaqyrushylardyng qatarynda boldy.

Berlin Ukrainagha beruge uәde etken qaru týrlerin әli jetkizbegen, al әue qorghanysy men auyr artilleriya týrlerin jazdyng sonynda nemese kýzde beremiz degendi aitady. Naqty uaqytyn aitqan emes. Búl sarapshylardyng oiynsha, uaqyt útu jәne jenimpaz tarapqa qaray yghysu taktikasy.

Fransiya Ukrainagha atys qaruy men auyr artilleriya týrlerin jetkizgen, alayda Makron ýnemi Resey basshysy Putinmen telefon arqyly sóilesip, «soghysty toqtatyp, kelissóz jasaugha shaqyrushylardyn» biri boldy.

Keshegi kezdesu barysynda taraptar Ukraina biyligine tolyq qoldau bildiretinin aityp, naqty mәlimdemeler jasaugha tyrysty. Zelenskiy óz tarapynan Mәskeuge salynuy tiyis sanksiyalyq soqqylar tizimin berdi.

Memleket basshylary ózara mәlimdeme jasap, press-konferensiya úiymdastyrdy. Zelenskiy Ramshtayn kezdesuindegi aqparattargha sýiene otyryp, Kiyev jaqyn arada quatty qaru týrlerin alatynyn jәne sol arqyly Resey qolyndaghy aimaqtaryn azat etetinin aitty.

Emmanueli Makron Ukraina әskerine quatty «Sezari» artilleriyasynyng alty danasyn beretinin aitty. Búghan deyin Ukrainagha jetkizilgen «Sezari» artilleriyasy soghystaghy eng quatty qarudyng birine ainalyp ýlgerdi. Alys qashyqtyqqa atu men jyldam oryn auystyru mýmkindigi ony tendessiz qarudy birine ainaldyrdy.

Germaniya basshysy Olaf Sholis bolsa, búghan deyingi Germaniyanyng pozisiyasyna toqtalmay, Ukraina qoghamyna barynsha únamdy sózderdi aitugha tyrysty. Mysaly ol: «Ukrainany Europalyq Odaqqa qabyldaudy sozbalaqtamay jyldam iske asyrugha tiyispiz», - degendi aitty. Ol sonymen qatar, Moldovany da úiymgha qabyldau kerek degen oida. Germaniya basshysynyng mәlimetinshe, býginde 800 myng ukrain bosqyny Germaniyadan pana tapqan.

Italiyanyng premieri Mario Dragy Kiyevti EO-gha mýshe boluyn resmy qoldaytynyn aitty. Aldaghy aptada ótetin Europalyq Keneste atalmysh úsynysty kóterip, «Ukrainagha kandidat statusyn berudi talap etetinin» mәlimdedi. Dragiyding oiynsha, soghysty jyldam ayaqtau ýshin diplomatiyalyq qadamdargha da baru kerek deydi.

Europa liyderlerining sapary eng aldymen Irpeni qalasynan bastalghan bolatyn. Ony Zelenskiy de dúrys qadam dep baghalady.

«Endi olar orys әlemining shynayy kelbetin kórdi», - dedi Zelenskiy. Irpeni qalasynda Ukraina halqyna genosid jasalghan bolatyn jәne Bucha qyrghynynyng bir bóligi sanalady. Qalada sau ghimarat qalmaghan.

Tanymal Bild basylymyna Germaniya basshysy Olaf Sholis: «Biz tek qana qoldau kórsetetinimizdi bildirmey, sonymen qatar qarjylay, gumanitarlyq jәne qaru týrindegi kómekti toqtatpaytynymyzdy kórsetkimiz keledi», - dedi. «Ukraina óz azattyghy ýshin kýresti toqtatpasa, biz kómek kórsetudi әste toqtatpaymyz», - dep óz sózin qorytyndylapty.

Alayda Sholisting sózin auditoriya kóniline qaray jasalghan mәlimdeme dep qabyldasaq ta bolady. Germaniya basshysy Reseyge salanghan sanksiyalar Mәskeudi esengiretip tastaghanyn jәne jaqyn arada olar soghysqa qatysty sheshimderin ózgertetinin aitty.

Ukrainagha Europa basshylarynyng jasaghan sapary jayynda Resey sayasatkerleri de pikir bildirdi. Peskov: «Ukrainagha qaru beru týkke túrghysyz jәne ukrain halqynyng qayghysyn sozu amaly», - deydi. Peskov Europa basshylary kerisinshe, Zelenskiydi kelissózge shaqyryp, jaghdaygha shynayy qarauyna әser etui tiyis degen oida.

Al Reseyding búrynghy preziydenti Dmitriy Medvedev óz tuitter paraqshasyna Europa basshylaryn mazaq etip, últtyq namysqa tiyetin mәtinde post jazdy.

«Men olardy jekkóremin. Naghyz onbaghandar, silimtikter. Europanyng qúrbaqa jegishteri, liyver men makarondy sýietinderi Kiyevke barudy jaqsy kóredi. Al onyng týk paydasy joq. Taghy da EO-gha kiruge uәde berip, eski gaubisalaryn berip, poezdaryna otyryp, ýilerine qaytty. Tura jýz jyl búrynghyday. Alayda búl Ukrainany beybitshilikke әkeletin jol emes. Saghat tili jyljyp, uaqyt zyrghyp jatyr degendey», - deydi Medvedev.

Europa elderi Ukrainagha qaru berudi jyldamdatatynyn aitty, al Ukraina «aytylghan sózding atylghan oq ekenin» eskertti.

Ashat Qasenghaliy

Abai.kz