Reseyding tәuelsiz Ukraina eline basyp kirip, soghys jýrgizip jatqanyna 114 kýn boldy. Resey әskeri eldi mekenderdi kýshtep basyp alugha tyrysuda. Ukraina qaruly kýshteri ólispey berispeymiz dep, tabandylyqpen memleketin qorghap jatyr.

BÚÚ-nyng mәlimeti boyynsha, soghys bastalghan kýnnen beri 4481 beybit adam qaza bolyp, 5565 adam jaralanghan. Qaza tapqandar ishinde 2611 adam Lugansk men Donesk oblystarynyng túrghyndary eken.

Úlybritaniya qorghanys shtabynyng basshysy Entony Radakinning aituynsha, Resey Ukrainadaghy soghysta strategiyalyq jaghynan jenildi. «Kórshi elge basyp kiru - Reseyding eng ýlken qateligi boldy», -deydi ol. Degenmen Radakin aldaghy aptada Reseyding taktikalyq jeniske jetetinin joqqa shygharmady.

«Resey alaqanday aumaqty jaulap alu ýshin qaruly kýshterining tórten birin qúrban etti. Resey tehnikasy eski, kýnine eki, ýsh ne bes kilometr ghana algha jyljidy. Resey jeniliske úshyraydy. Úlybritaniya Kiyevti aldaghy uaqytta da qaru-jaraqpen qamtamasyz etuin toqtatpaydy», - dedi  Úlybritaniya qorghanys shtabynyng basshysy.

Kýni keshe Germaniya kansleri Olaf Sholis, Fransiya preziydenti Emmanueli Makron, Italiya premier-ministri Mario Dragy jәne Rumyniya preziydenti Klaus Yohannis Kiyevting janyndaghy Irpeni qalasyna bardy. Sapar barysynda olargha Ukrainanyng qauymdastyqtar men aumaqtardy damytu ministri Aleksey Chernyshev erip jýrdi.

Resey әskerleri Irpennen ketkennen keyin, onda 300-ge juyq beybit túrghynnyng mәiiti tabylghan. Ukrainanyng jayyn óz kózimen kórgen Rumyniya preziydenti Klaus Yohannis ózining tvitter paraqshasynda: «Reseyding zansyz agressiyasyn toqtatu kerek», - dep jazdy.

Germaniya kansleri Olaf Sholis: «Mәskeudi Ukrainanyng aumaghyn basyp alam degen pighylynan ainytu kerek», - dedi. Ol Reseyge qarsy sanksiyalar Mәskeu Ukrainamen әdiletti kelisimge kelgenshe jalghasatynyn aitty.

Ukraina preziydenti Vladimir Zelenskiy Germaniya, Fransiya, Italiya jәne Rumyniya elderi basshylarynyng Kiyevke saparyn «Tarihy kýn» dep atady. Olargha Ukrainanyng Europalyq Odaqqa kiru turaly ótinishin qoldaghany ýshin alghys aitty jәne Ukrainagha kóbirek qaru-jaraq beruin súrady.

Ukrainanyng syrtqy ister ministri Dmitriy Kuleba: «Germaniya kansleri Olaf Sholiske elding jaghdayy qatty әser etip, ol Europalyq Keneste Ukrainanyng Europalyq Odaqqa kiruin qoldaytynyn bildirdi»,  -dedi. Kuleba Ukrainanyng Europalyq Odaqqa qazirgi kýni tolyq mýshelikke óte almaytynyn biledi. Biraq «Europa elderining Ukraina-Europalyq el», - dep moyyndaghany kerek deydi ministr.

Al, Mәskeu jaqtan Reseyding syrtqy ister ministri Sergey Lavrov BBC-ge súhbat berip, «Biz Ukrainagha basyp kirgen joqpyz», depti.

Lavrovtyng aituynsha, Batys Ukrainany NATO-gha tartyp, qylmystyq iske bardy. Al, Resey Batystyng búl qateligin basqasha týsindiru jolyn tappay, «arnayy operasiyany» bastaghan.

«Chernigov oblysynyng Yagodnoe auylynda Resey әskery kýshteri 28 kýn boyy 360 adamdy, onyng ishinde 74 balany jәne 5 mýgedek adamdy mektep jertólesinde ústady. Dәrethana joq, su joq. 10 qariya qaytys boldy. Búl nasizmge qarsy kýres pe?» - degen jurnalisting súraghyna Lavrov: «Halyqaralyq sheneunikter Batystyng qysymyna úshyraghan son, kóbinese «jalghan» janalyqtardy taratady», - dep jauap berdi.

Sonda Resey «sýtten aq, sudan taza ma?» - degen súraqqa Reseylik ministr: «Resey sýtten aq sudan taza emes. Reseyding bar bolmysy osy. Biz ózimizding qanday ekenimizdi kórsetuden úyalmaymyz», - dedi.

Al, DHR-ghy ólim jazasyna kesilgen britandyqtar turaly Lavrov: «Olar – tynshylar, olardyng taghdyryn banan memleketining soty sheshedi», - dedi.

Abai.kz