«Qayrat» futbol klubynyng jýrgizushisi Ádilet Bisariyev ózining instagram paraqshasynda sport klubynyng qazaq tilin qyspaqqa alghysy keletinin aitty. «Qayrat» FK jýrgizushini 24 shilde kýni belgisiz sebeppen júmystan shygharyp jibergen. Ádilet Bisariyev múny «Qayrat» FK-nyng qazaq tiline qarsy ekendigimen týsindiredi.

Onyng aituynsha, ózi júmysqa kirgen 2019 jyldan beri «Qayrat» FK basshylyghynyng qazaq tiline degen nemqúraylyghyn bayqaghan. «Qayrattyn» jankýierleri qazaq tilinde әn súrasa da, Ortalyq stadionda qazaq әnderi qosylmaghan. Jýrgizushige eshqashan qazaq tilinde ssenariy berilmegen.

Jurnalist basshylyqtan ózining júmystan shygharylu sebebin súraghanda, klubtyng demeushilerining biri «Odin hbet» konkursty dúrys jýrgizbegeni ýshin shaghym týsirgenin estigen.

Ádilet Bisariyev «Odin hbet» ókilderine de barghan. Alayda olar ne ýshin shaghym týsirgenin naqty týsindirmegen.

«Olarmen sóileskende men mynaday oigha keldim: búl mening óz oiym. Búl kisiler qazaq tiline qyspaq kórsetkisi keledi. Qazaq tiline qarsy ekenine kózim jetti. «Ty vedeshi na toyskom», «Áp bәrekeldi» deysing deydi. «Chto takoe Adiylet Ap barekeldi» deydi. Olar maghan sóz sóileuge múrsha bergen joq. Búl mening óz oiym: Búl – qazaq tiline degen qyspaq, qarsylyq. Endi oiyn oryssha ótip jatyr. Sonda oryssha týsinbeytin qazaqtardyng qamyn kim oilaydy? Til ýshin janym ashyp túr. Allagha shýkir, tabysym mol. Ózim óner azamatymyn. «Qayratta» til mәselesi qiyn. «Qayrat» komandasy ózin halyq komandasy dep tanystyrghanymen, qazaq tilin mensinbeydi, Búl mening óz oiym», - dedi ol.

Ádilet Bisariyev Mәdeniyet jәne sport ministri Dәuren Abaevqa, qúzyrly organdargha «Qayratty» til mәselesi boyynsha tekseruden ótkizip, eger ózi aitqan mәseleler rastalsa, jauapty adamdardy jazagha tartuyn súrady.

Ayjan Temirhan

Abai.kz