Resey Qauirsizdik kenesi tóraghasynyng orynbasary, Reseyding eks-preziydenti Dmitriy Medvedevting «VKontakte» jelisindegi paraqshasynda: «Qazaqstan «jasandy memleket» degen jazba jariyalady.

Sonday-aq: «Soltýstik pen Ontýstik Osetiya, Abhaziya men Gruziyanyng qazirgi aumaghy bir memleketke, Resey qúramyna kirgizeledi», - depti.

«Kenes Odaghy ydyraghangha deyin Soltýstik Qazaqstan halqynyng 62.5%-yn slavyandar qúrady. Qazaqstan - jasandy memleket, búrynghy orys territoriyalary. Mysaly Guriev, Semey, tipti Almaty qalalary 1924 jylgha deyin Vernyy dep ataldy. Qazirgi uaqytta Qazaqstan biyligi respublika ishinde týrli etnostyq toptardy kóshiru jónindegi bastamalardy iske asyra bastady, múny orystargha jasalghan genosid dep baghalaugha bolady. Biz búghan kóz júma almaymyz. Orystar kelmeyinshe, tәrtip ornamaydy…», - dep jazdy Medvedev.

Medvedevting atynan jariyalanghan jazbada: «Bir kezderi alpauyt, quatty Kenes Odaghynda ómir sýrgen barlyq halyq qaytadan dostyq pen ózara birlikke kelip birge ómir sýredi» jәne «Kiyev pen Kishi Reseyding barlyq aumaqtary azat etilgennen keyin Resey myng jyl búrynghy Orys memleketi siyaqty qaytadan jenilmeytin, birtútas, kýshti memleketke ainalady», dep jazylghan.

«Sodan song bir jennen qol shygharyp, slavyan halqy bastaghan Mәskeu Otanymyzdyng shekarasyn qalpyna keltiru ýshin kelesi joryghyn bastaydy. Bәrine belgili, bizding shekaramyz sheksiz»,  -delingen jazbada.

Biraq artynsha imperialistik iydeyagha ulanghan Medvedevting búl jazbasy dereu óshirilipti.

Sonday-aq telegram arnasynda da jazbamen bólispegen. Keybir BAQ kózderining habarlauynsha, Medvedevting akkaunty búghattalyp, osynday jazba payda bolghan. Dmitriy Medvedevting ózi akkauntynyng búghattalghany jayly әli resmy mәlimdeme jasamady. Jazbany ózi ne ózgening jazghany әzirge beymәlim.

Al Qazaqstannyng Syrtqy ister ministrligi Reseylik shendining búl sózderine qatysty әzirge eshqanday mәlimdeme jasaghan joq.

Abai.kz