Reseyge quatty sanksiyalar salynghaly alty ai. Kópshilik búl Resey qoghamy men ekonomikasyna әseri joq qadam dep sanaydy. Ony Resey rublining quatty boluymen týsindiredi. Rasymen sanksiyanyng әseri joq pa?

Reseyding Ukrainagha basyp kiruinen keyin alty paket sanksiyalar salyndy. Jetinshi paket jaqyn kýnderi salynady, ony Europalyq qauymdastyq talqylap jatyr.

Resey Ortalyq bankining rezervining teng jartysy Batys elderinde búghattaldy. Birqatar Resey bankteri SWIFT halyqaralyq tólem jýiesinen ajyratyldy. Batystyng tehnologiyalary, elektronika men qymbat әshekey búiymdary Reseyge satylmaytyn boldy. EO-dan bólek AQSh, Kanada, Japoniya, Shveysariya jәne Úlybritaniya da Reseyge qarsy sanksiyalardy dýrkindete saldy. Correctiv zertteu jelisi ózining sanksiyalar monitoringinde Reseyding Ukrainagha qarsy basqynshylyq soghysy bastalghannan beri halyqaralyq qauymdastyq qabyldaghan 6825 jeke shekteu sharalary engizilgenin aitady. Zertteu nәtiyjesine ýniletin bolsaq, tarihta dәl osynday auqymdy sanksiyalar bolghan emes deydi olar.

Sanksiyalar Resey qoghamyna keri әseri sezile bastady. Qarapayym azamattar sanksiya salqynyn birinshi bolyp kórdi. SWIFT jýiesinen ajyratylghan bankterding kartochkalaryn qoldanu tiyimsiz boluda. Saldarynan myndaghan reseylik ózge elge baryp, bank kartochkalaryn jasatugha mәjbýr. Mysaly Qazaqstangha myndaghan reseylik kelip, JSN jasatty. Búl bank kartochkalaryn alugha mýmkindik beredi.

Europalyq Odaqtyng syrtqy ister jәne qauipsizdik sayasaty jónindegi jogharghy ókili Jozep Borrell sanksiyalyq shekteuler Resey ekonomikasyna qatty әser etip jatqanyn aitty. "Reseyding ekonomikalyq óndirisi 10 payyzgha qysqardy. Olar Ekinshi dýniyejýzilik soghys ayaqtalghannan bergi eng auyr resessiyany basynan ótkerude", - dedi ol.

Reseyden 1400-den astam sheteldik kompaniya ketken, júmysyn uaqytsha toqtatqan. Búl Resey halqynyng 3-5 mlnyna júmys berip otyrghan kompaniyalar bolatyn. Olardyng barlyghy tikeley osy kompaniyalarda júmys istemese de, kompaniyalarmen baylanysy bar salalarda jýrdi. Satu, qyzmet kórsetu, jetkizu, jarnama agenttikteri men jýk tasu jәne basqalar. Endi olardyng basym bóligi júmyssyz qaldy, al Resey ekonomikasy mlrdtaghan dollar salyqtan qaghyldy. Búl da sanksiyanyng saldary bolatyn.

Resey ekonomikasyna taghy bir keri әseri bolatyn sala ol múnay jәne gaz salasyna salynghan shekteuler men Reseyding gaz satpau turaly qyrsyqtyghy. Resey biyl gaz satu boyynsha rekord janartyp, Europagha jóneltude. Alayda búl uaqytsha qúbylys jәne Europa elderi gaz tútynudy 15 payyzgha azaytu turaly sheshim qabyldady. Resey salghan birneshe gaz qúbyrlary toqtap qaldy. Endi Resey gaz ben múnaydy basqa elderge, atap aitqanda Qytay men Ýndistangha satugha mәjbýr. Olar Reseyding tyghyryqtaghy jaghdayyn paydalanyp múnay men gaz baghasyn arzan alugha kelisti. Alayda jetkizu jolynyng úzaqtyghyna baylanysty, paydanyng basym bóligi tranzitke ketude.

Songhy súraq qalady. Resey ekonomikasyna sanksiya әser etken bolsa, nege rubli quatty degen. Jauaby qarapayym: Resey rubli baghamyn ústap túrugha mlrdtaghan dollar júmsap, intervensiya jasap keledi.

Abai.kz