- Sottalushynyng týzelgeni jayly dәlel jetkiliksiz, ony bosatu turaly ótinish beretin uaqyt bolghan joq,- dedi qaulyny oqyghan sudiya Janbolat Shaykomalov.
56 jastaghy kәsipker biyl tamyz aiynda Jezqazghan qalalyq sotyna shartty jazamen bosatudy súrap, ótinish týsirgen. Biraq ótinishi qanaghattandyrylmaghan. Qalalyq sottyng búl qaulysymen kelispegen Toqmәdiyding advokattary oblystyq sotqa shaghymdanghan.
Kәsipkerding jaqyndary múnday sheshim bolaryn sezdik deydi.
- Búl isting Múhtar Áblyazovty qudalaumen baylanysty ekeni belgili. Sol sebepti Múrathan Toqmadiydi sharty jazamen bosata almay otyr. Búl is әuel bastan zansyz ótti, ony jasaghandar әli de biylikte otyrghandyqtan búl isting ashyluynan qorqady, - dedi kәsipkerding әieli Jәmiylә Ayymbetova - Toqmәdiy.
Jeke shaghymy qaralghan sot prosesine Toqmәdiyding advokattary ghana qatysty, ózi bolghan joq. Ózge baqylaushylar men jurnalister sotty onlayn baqylady.
Advokattary 2018 jyly on jarym jylgha sottalghan kәsipkerding merziminen búryn bosap shyghugha zandy negiz bar dep esepteydi.
- Týrmede tәrtip búzbaghanyn, eki marapatyn, memleketke materialdyq qaryzy joghyn, sot shyghyndaryn tólegenin, jaza merzimining jartysyn ótegenin, júmyspen qamtylatyny jayly anyqtamasy, bes balasy men qart ana-anasy bar ekenin eskere otyryp shartty jazamen bosatu turaly ótinishin qanaghattandyrudy súraymyz, - dedi advokattardyng biri (aty-jónin atamaudy ótindi - Azattyq)
Alayda prokuror "Toqmәdy jaza merzimining jartysyn ótegen joq" dep ótinishti qanaghattandyrmaudy súrady.
Advokattardyng sózinshe, Múrathan Toqmәdiyding jaza merzimi ony ústaghan kýnnen - 2017 jyldyng mausymynan bastalady, al prokuror Toqmәdiyge ýkim shyqqan 2018 jyldyng 16 nauryzynan eseptegen boluy mýmkin.
- Sebebi Jezqazghan qalalyq sotynyng 25 tamyzdaghy qaulysynda jaza merzimi 2018 jyldyng 16 nauryzdan bastap sanalatyny kórsetilgen. 2018 jyly shyqqan sot ýkiminde jaza merzimi onyng ústalghan uaqyty – 2017 jyldyng 12 mausymynan bastap sanalatyny jazylghan. Biz qalalyq sottyng búl qaulysyna shaghym jazyp, kórsetkenbiz, - deydi advokattardy biri.
Múrathan Toqmәdy sot ýkimi boyynsha berilgen jazany Úlytau oblysyndaghy AK 159/25 týzeu mekemesinda ótep jatyr. Ol múnda 2020 jyldyng qazan aiynda jetkizilgen. Búghan deyin Almatydaghy tergeu izolyatorynda tranzittik kamerada bolghan. Tuystarynyng sózinshe, osy kýnge deyin ol kamerada jalghyz otyrghan.
Múrathan Toqmәdy "BTA bank basshysy Erjan Tәtishevti qughyndaghy bankir Múhtar Áblyazovtyng tapsyrysymen óltirdi" degen aiyppen 2018 jyly on jarym jylgha sottalghan.
Erjan Tәtishev 2004 jyly anshylyqty jýrgende oq tiyip ólgen. Sol kezde múny sot "jazym" dep tanyp, bankirding janynda birge bolghan kәsipker Múrathan Toqmәdiydi bir jylgha sottaghan edi. 2017 jyly búl is qayta qaralyp, Toqmәdy ózine taghylghan aiypty moyyndaghan.
Biraq biyl nauryzda kәsipker Tәtishevting ólimine Áblyazovtyng qatysy joghyn mәlimdep, isti qayta qaraudy, ózin aqtap, bosatudy súraghan. Jezqazghan týrmesinen preziydent Qasym-Jomart Toqaevqa arnap jazghan hatynda Toqmәdy tergeude azaptalyp, taghylghan aiypty moyyndaugha mәjbýr bolghanyn aitqan.
Abai.kz
