Aghylshyn elitasy da, qara halqy da impershildik kózqarastan bas tartyp, órkeniyetti qogham qúra alghan eken. Sonyng bir dәleli keshe premier-ministr lauazymyna 42 jasar Rishy Sunak saylandy. Týp-túqiyany ýndistandyq, diny kózqarasy - induizm! Osy jigit Úlybritaniyanyng ishki-syrtqy, sayasi-ekonomikalyq mәselelerine jauap beredi. Ghajap pa? Ghajap!

Ýndistan 350 jylgha juyq aghylshyn otary bolghan el. Otar elding úlyna, senip biylik berdi aghylshyndar! "Aghylshyn qoghamy nege qarsy bolmady",-degen pikirlerdi de oqydym. Onyng jauaby qarapayym ghana. Ol Zang ýstemdigi ornaghan qogham. Órkeniytetti elderde biylik bir qolgha shoghyrlanbaydy. Biylik tarmaqtary mýltiksiz júmys jasaydy, qiya bassa qogham da, Zang da ayamaydy.

Bizding memlekettik sayasatymyzda, bayandamalarda jii aitylatyn toleranttylyq degen júmys istemeytin ústanym bar. Júmys istemeydi deytinim, minberde osy sózdi aitqan adamdar, qabyldauynda ruyndy súraydy. QR Preziydentining sózderin týsinbeui mýmkin, biraq, óz ruynyng "preziydenti" ýshin birazgha shabady...

Boris Nemsov pen II Elizaveta kezdesuinde Hanshayym Boristan súrapty:
- Resey men Britaniyanyng aiyrmashylyghy nede?
- Ayyrmashylyq kóp emes, ekeui de imperiya
- Iya, imperiya boldy. Biraq, bizder óz imperiyalyq ambisiyamyzdan bas tartyp, otar elderge aldymen mandattyq, odan dominant, sonynan azattyq berdik. Al, Resey әli sol imperiyalyq ambisiyasynan bas tartpady,-dep tamasha salystyru keltirgen eken.

Jalpy bayqaghanym, Reseymen jaqyndasqan elderding ne últtyq sayasatynda, ne ekonomikasynda ilgerileu bolmaydy eken...

Jәnibek Elshibaev

Abai.kz