Keshe Ukraina Qaruly kýshterining kýni boldy. Zelenskiy Donbassqa kelip, aldynghy shepte otan ýshin ot keship jatqan sarbazdardy arnayy qúttyqtady. 

Preziydent Zelenskiy maydan dalasynan 40 shaqyrymday jerde ornalasqan Slavyansk qalasyna kelip, viydeo ýndeu jasady. "Býgin Donbassqa kelip, sizdermen birge boluym men ýshin ýlken abyroy. Sizderdi býgingi merekelerinizben, jalpy bizding memleketimizding úly meyramy Ukraina Qaruly kýshteri kýnimen qúttyqtaugha rúqsat etinizder. Sizderge elimizdi erlikpen qorghap jatqan kýsh jigerding sarqylmauyn tileymin", – dedi Vladimir Zelenskiy.

Zelenskiy sarbazdardyng qolyn alyp, bylay dedi: "Sizderdi osynday erjýrek etip tәrbiyelegen ata-analarynyzgha alghys aitqym keledi, sizderge kýn sayyn qoldau bildiretin júbaylarynyzgha, balalarynyz ben jaqyndarynyzgha rizashylyghymdy bildiremin".

Ukraina basshysy úrys dalasynda qaza tauyp, tughan jerin sonyna deyin qorghap ótken qaharmandardy eske alyp, bir minuttyq ýnsizdik jariyalady. "Qaza tapqan jauyngerler bizding jadymyzda mәngige saqtalmaq. Biz búl jauyngerlerdi bir minuttyq ýsizdikpen eske alsaq, olar erlikpen qaza tabu arqyly bizding elimizge ondaghan jyldardy syigha tartty", - dedi ol.

Zelenskiy qazirgi sәtte eng auyr shayqastar Donbassta jýrip jatqanyn aitty. Basqa aimaqtarda da Ukraina әskeri qiyn operasiyalardy iske asyruda. Olar Zaporojie jәne Herson baghytyndaghy deokkupasiyany jalghastyruda. "Jaqyn aralyqta biz Ukraina qalalary sanalatyn Donesk pen Luganskte kezdesetinimizge senimdimin, әriyne Qyrymda da jolyghatyn bolamyz" dep sarbazdardy bir serpiltip qoydy. Sóz sonynda Ukraina preziydenti jauyngerlerge memlekettik marapattardy ýlestirip, baghaly syilyqtar tabystady.

Zelenskiyding Ukraina jeri sanalatyn Donbassqa baruy basqynshylar men separatisterding qan qysymyn kóterdi. Soloviev óz baghdarlamasynda Kiyevti ayausyz atqylaugha shaqyrsa, Resey MemDuma deputattary "Zelenskiy Resey jerine rúqsatsyz kiru arqyly aumaqtyq tútastyghymyzdy búzdy" dep sandyraqtady.

BÚÚ-da Reseyding arnayy ókili Vasiliy Nebenzya mәlimdeme jasap, bylay dedi: "Biz Ukrainamen aradaghy qaqtyghysty kelissóz arqyly sheshuge dayyn ekenimizdi aitqym keledi. Eger Ukrainadan tónetin qauipti beybit jolmen sheshe almasaq, onda biz әskery jolmen sheshetin bolamyz". Maghynalyq túrghydan birinshi sóilemi ekinshisine qarama-qayshy keletin mәlimdemeni Kiyev "reaksiya bildiruge túrmaytyn bos sóz" dep atady.

Zelenskiyding Donbassqa emin-erkin baryp, maydan dalasyna jaqyn ornalasqan qalada jýrui kóptegen reseylikting ashuyna tiydi. Olar әleumettik jelide qyzu pikir almasyp, talqygha saldy. "Zelenskiy Donbassta jýr, al Putin bunkerde otyr", "Zelenksiy tabytta jatudyng ornyna bizding jerimizde tayrandauda", "Hersongha bardy, Harikovke bardy, endi mine Donbassta, kelisi aimaq Qyrym shyghar" dep jazdy ashuly basqynshylar.

Abai.kz