Putinning Ukrainagha soghys ashqanyna jyl tolugha sanauly kýnder qaldy. Nayzaghay jyldamdyghymen Kiyevti alyp, quyrshaq ýkimet ornatu jospary kózden búlbúl úshty. Maydandaghy ereuilshilerding ekpininen qaymyghyp, Reseyge bas saughalap qashqan Yanukovichting taghdyrynan eshkimning sabaq almaghany ókinishti.

Sol qatarda Putinning dosy, Ukrainanyng eks-deputaty, tereng qaltaly oligarh, Ukrainada Reseyshil partiya qúryp, Resey integrasiyasyn nasihattaghan, soghys bastalghanda Otanyn satyp, Resey jaghyna qyzmet etken Viktor Medvechuk te bar. Álide shynayy bet perdesin jasyrghan Ol: «Men qazir Mәskeude mәjbýrli týrde túryp jatyrmyn. Men Ukrainany tastap ketkem joq. Meni almastyryp jiberdi», - dep ótirik shaghymdanyp, Ukrainany orystargha kýn kórsetpeytin fashister eli etip kórsetuge, Putinning qandy soghysyn «arnauly operasiya» etip kórsetuge tyrysyp jýr.

Orystyng biyligine býiregi búru, Batysty qúbyjyq kóru bizge de tanys jaghday. Kýni keshe ghana parlamentting eski deputaty Azamat Ábildaevtyn: «Putinning «arnauly operasiyasyn» qoldaymyn», - dep, artynan orys basylymdaryna: «Reseysiz Qazaqstannyng kýni qaran», - dep súhbat bergeni shu tudyrghan edi. Reseyshil Azamattyng qatarynyng qalyng ekeni de belgili. «Latyn әlipbiyine kóshsek russkiy mirden ajyrap qalamyz», - dep baybalamgha basqan Irina Smirnova hanymdy aitpaghanda, Qaraghandyda jiyrma jyl marksizmnen sabaq bergen Ermúhamet Ertisbaevti ataugha bolady. Bәri orys basylymdaryna múng shaghugha, alghys aitugha qúmar. Syrtqa bildirmegenimen qansha lauazymdy túlghanyng ishinde it ólip jatqanyn bir qúday biledi.

Áleumettik jelide Putinning Ukrainagha soghysyn qoldap, Batysty aiyptaytyn qalamgerler qatarynyng moldyghy da kóp aitylady. Múnyng bәri Kenes kezinde ghana emes, tәuelsizdik alghaly beri de orystyng aqparattyq shyrghasynda ómir sýrip jatqanymyzdy bildiredi.

Oryssyzdanu jolyn tandaghan tәuelsiz Ukrainanyng әr kezek basshylary aqparattyq qauipsizdikke asa mәn berdi. Kremliding orys tilin búrynghy Kenes qúramynda bolghan respublikalardy qayta qúryqtau qúralyna ainaldyrghanyn jaqsy týsindi. Resey arnalaryn shektep, Ukraina tiline basymdyq berdi. Mәdeny saladan bastalghan sayasy kýres qarqyn alghanda kimning kim ekeni aiparaday ashyldy. Ár saladaghy Reseyshil toptardyng ýlken legi belgili boldy. Soghysqa deyin olar demokratiyalyq jýiening momyndyghyn paydalanyp, jymysqy әreketterin jalghastyryp keldi. Soghys bastalghan song olardyng betperdesi aiparaday boldy. Putinning atalmysh quyrshaq ýkimetining joghary lauazymynan dәmelilerding ýmiti bir jola kesildi. Zelenskiy biyligi syrtqy jaudan búryn, ishtegi satqyndarmen kýresuge mәjbýr boldy. Alghashqy kelissóz kezinde-aq, ukrain tarabynyng kelissóz josparyn Kremlige birin qaldyrmay jetkizip otyrghan lauazymdy túlgha anyqtalyp, jazasyn aldy.

Sóz bostandyghyn basty oryngha qoyatyn Batys júrty ishke-syrtqa eki baghytta júmys isteytin Kremliding aqparattyq ýgit mashinasynyng bir jyl boyy soghys shyndyghyn býrkemelegenine, halyqtyng miyn shai quatynyng sheksizdigine tang qalyp bastaryn shayqap otyr. Azamat Ábildaevting mysaly da sony kórsetedi. Óz ishimizdegi orysqa qarap úlityndardyng ýnin óshirip, sabaq alamyz desek, osy bastan aqparattyq qauipsizdikti dereu qolgha alyp, qatang sharalar qabyldau kerek. Ásirese jastardy Kremliding ýgit mashinasynyng әserinen saqtaudy basty nazarda ústau kerek.

Abai.kz