Jalpy, ana tilimizding elimizding teristigindegi mýshkil hali býginderi eshkimge de tansyq emes. Búl jerde ózge tilding basymdylyghy qayda barsyng da «men múndalap» qarsy aldynan shygha keledi. Osy ónirge әkim bolyp kelgenderding barlyghy derlik aldymen qazaqqa, onyng tiline emes, oryntaghyna jayghasqan boyda ózge últ ókilderine, onyng tiline basymdyq berugue tyrysady.

Mәselen, men bizding Qostanay oblysynda ótken alqaly jiyndardyng birining de ana tilimizde ótkendigin estigen de, kórgen de emespin. Ol týgili qazaqsha jazylghan aryz-shaghymdargha da «jýrdim-bardym» qaraydy. Ana tilimizden shyghatyn azghantay ghana basylymdargha da kózqaras osynday.

Múny az deseniz, kórshi Resey elining әnshi, әrtissymaqtaryn tórimizge shygharyp, taltandatyp qoyatyn óz qandastarymyzdyng osynday soraqy qylyghy da ana tilimizben qatar, mәdeniyetimizdi de túqyrta týsetin synayly.

Mәselen, jaqynda ghana osyndaghy «Gloriya» dep atalatyn meyramhanalyq-qonaq ýilik keshenning diyrektory Gýlvira Qúdayqúlova bәrimizdi de jerge qaratyp ketti. Búl hanym Reseyding belgili әrtisteri men әnshilerining fanerlik manekenderin óz meymanhansyna ilip qoyyp, jerden jeti qoyan tapqanday elden erekshe quanyp otyr. Gýlvira Jәziytqyzynyng aituyna qaraghanda, búl jerge Resey әnshileri sonau aldynghy jyl-aq, qonys tepken eken. Al byltyrghy jyly olargha Valeriy Meladze men Dima Bilan qosylyp, qarasy kýrt kóbeyipti. Endi búl isker әielding oiynsha meyramhanalargha adam lyq tolatyn kórinedi.

Mýmkin, solay da shyghar, kim bilipti?.. Payda tabudyng kózin biletin jandargha qarsy aitar dauymyz joq. Alayda osynau kórshi elding әnshilerining qatarynan óz talantarymyzgha oryn tiimeuin nemen týsindiremiz? Meladze men Bilangha teng keletin әnshi bizde mýldem joq bolghany ma? Ózgesin bylay qoyghanda, ataghy kýlli әlemge jayylghan Dimashtyng ózi nege túrady? Mýmkin, әngime ol jerge qongha layyqty әnshilerimizding tabylmauynda emes shyghar? Bәlkim, múnyng astarynda ózimizding tól ónerimizge múryn shýiire qarau, olardy orystardyng qasynda ekinshi sortty sanau sekildi kórshimizden júqqan auru ma eken? Aytpaqshy, Reseyding әnshilerining barlyghy derlik Putinning Ukrainagha jasaghan agressiyasyn ashyq qoldaghandary bәrimizge belgili. Endeshe, osynday әnshilerdi bizge әkelip nasihattau arqyly biz olarmen tilektes ekendigimizdi bildirip otyrmyz ba?

Jalpy, oilanbay istegen isten týbi opyq jeytinimizdi úmytpaghan jón shyghar.

Jaybergen Bolatov

Abai.kz