Adam ómirindegi qúndylyqtar jeterlik. Materialdyq jәne ruhany dep bólinetin qúndylyqtar әleminde kópshilik ýshin qasterli, qadirli sanalatyny últtyq naqysh, din jәne tildi aitsaq bolady. Últtyq naqysh pen tildi tek jekelegen últtargha tәn dep qarastyrsaq, din jalpylay adamzatqa tәn. Ol últ pen úlys tandamaydy, senim erkine say beriledi. Biri dindi ústanyp, biri odan bas tartyp jatady. Zayyrly qoghamda búl qalypty qúbylys, ýirenshikti jayt. Óitkeni kez kelgen dinning ózinde zorlyq-zombylyqqa tyiym salynghan emes pe?!

1991 jyly әlem kartasynda oiyp túryp on bes el óz tәuelsizdigin aldy. Ortalyq Aziyada ejelden Islam dinin ústanghan bes elding bostandyghy óz qolyna berildi. Jetpis jyl boyy dindi túnshyqtyryp, dildi talqandap kelgen imperiya kelmeske ketti. Alayda KSRO-nyng dinge qatysty sayasatynyng zardaby әli óz әserin berude. Tәuelsizdigin endi alghan Ortalyq Aziya elderi, onyng ishinde Qazaqstan da “endigi tanda qay tarmaqty ústanamyz, dinge qatysty sayasat qalay bolmaq” degen súraqty óz kókeyinde qoyyp jatty. Dinning ortalyghy, Islamnyng ordasy dep Arab elderine imamdar men dindarlardy oqytugha jiberdi.

Alayda din nәzik taqyryp. Zayyrly memleket bolyp, “din sayasatqa, sayasat dinge aralaspasyn” beyresmy formulasyn tandap alghan Qazaqstan ýshin búl taqyrypty talqylau qiyngha soqty. Sondyqtan da key tústa qatelik jiberip alghan sәtterdi kesh bayqady. Siriya asyp sodyrlargha qosylyp, Aughan asyp lankesterding qatarynan tabylghandardy kórdik. Dey-túra memleket etek-jenin tez jinaugha tyrysuda. Nәtiyjeli júmystar jeterlik. Toqtap qalmady, jalghasuda.

Siriya asqan, jat aghymnyng toryna týskenderdi qútqaryp, “Jusan” operasiyasyn jariyaladyq. Elge jýzdegen bala men ana, qate basqan azamattar qaytaryldy. Olardyng biri zang ayasynda jazasyn ótep jatsa, endi biri onaltu ortalyqtarynda bilim alyp, beybit aspan astynda kýn keshudi ýirenude. Balalargha oq dausymen emes, ashyq aspan astynda qús sayraghan tannyng qalay bolatynyn ýiretudemiz. Kýrdeli әri manyzdy júmys.

Qazaqstan boyynsha lankestik pen radikaldy aghymnyng aldyn-alu, zardabyn halyqqa týsindiru júmystary jalghasuda. Arnayy rolikter týsirilip, ortalyqtar ashyluda. Aqparattyq týsindiru bir sәt toqtaghan emes. Meshit imamdarynyng uaghyzdary memleket tynyshtyghy, halyq birligine say bolu kerektigi aityluda. Búl týrli әreket bolsa da, pazl ispettes diny qaqtyghysy joq, tatulyghy myqty qogham qúru aldyndaghy júmys.

Abai.kz