Qazaqtanda kezekti qúrlyq әskerlerining dayyndyghyn arttyru maqsatynda biyl oqu-jattyghular ótip jatyr. Vzvodtar jattyghuy jauyngerlik dayyndyqty jetildirip qana qoymay, bólimshelerding is-qimylyn úiymdastyryp, baylanysyn damytugha kómektesedi. Sarbazdar taktikalyq tapsyrmalardy jyldam oryndap, shara joghary dengeyde ótip jatyr.

Jattyghu kezine sarbazdardyng berilgen tapsyrmalardy jyldam oryndauyna qatty nazar audarylady. Uaqyt edәuir bóligi de soghan júmsalady. Taktikalyq, taktikalyq-arnayy jәne atys dayyndyghy, sonday-aq jauyngerlik mashinalardy jýrgizu boyynsha normativter tapsyrylady.

Áskeriylerge marsh jasau, tirek punktterin qamtamasyz etu, jauyngerlik tәrtippen sapqa túru, úrysta qorghanu jәne shabuyl jasau syndy naqty is-qimyldar ýiretiledi.

Jauyngerlik atystary nemese baqylau sabaqtarynan keyin vzvodtardy ýilestiru ayaqtalady. Vzvodtardyng jauyngerlik atystary vzvodtyng úrysta, tosqauyl beketinde, kýndiz de, týnde de ne isteui keregin ýiretetin taktikalyq dayarlyqtyng biri retinde jýrgiziledi. Ónirler boyynsha әsker qúramdarynyng әr baghytta kórsete bilgen jattyghu nәtiyjeleri olardyng dayyndyqtary jaqsy ekenin kórsetti.

Mysaly, Jambyl oblysy «Aysha biybi» poligonyndaghy vzvodtar úiymastyrylyp, minaatqysh eseptoptarynyng qúramyndaghy artillerister atys tapsyrmalaryn sәtti oryndap, normativterin jaqsy tapsyryp shyqty.

«Ontýstik» ÓnQ 5-shi mehanikalandyrylghan qúrama artilleriya shtabynyng bastyghy mayor Feliks Ushakovtyng aituynsha, artilleristerding jauyngerlik dayarlyghynyng ajyramas bóligi bolyp sanalatyn dala joryqtary teoriyaly túrghydan ótip, tәjiriybede pysyqtalghany asa manyzdy. Qysty kýni jattyghular ótkizu onay emes, degenmen búl minaatqyshtardyng is-qimyldaryn shyndap, qajetti mashyqty mengerip shyghuyna kómektesedi.

Al «Jetisu» oqu-jattyghu poligonynda desanttyq-shabuyldau brigadasynyng sarbazdary atys dayyndyghy ayasynda oq atudy basqaru daghdylaryn shyndady. Olar qozghalystaghy jauyngerlik mashinalardan atysty oryndady. Odan bólek, beytanys jerlerde úrys jýrgizu taktikasyn shyndaugha da kónil bólindi.

Ayagóz garnizonyndaghy «Mayliyn» poligonynda tank brigadasynyng әskery qyzmetshileri atu mashyghyn mengerudi ótkizip jatyr. Múnda bólimshe komandirleri úrysty úiymdastyru men jýrgizu arqyly vzvodtardy basqaru daghdylaryn damytady.

Jauyngerlik dayarlyqtyng osy kezeninde bólimshening taktikalyq qimyly, sonday-aq vzvodtardyng atyspen toytarys beru nәtiyjeleri baghalanady.

Abai.kz