Ákimdikting mәlimetinshe, Almatyda qazir 213 avtojanarmay qúy stansiyasy júmys isteydi, onyng ishinde 6 iri jelige 176 janarmay qúy beketi kiredi (82% tiyesili). Almatygha ýsh múnay óndeu zauytynan JJM jetkiziledi. Olar: Shymkent «Petro Qazaqstan Oil prodakts» múnay óndeu zauyty (PKOP ýlesi – 40%), Pavlodar múnay-himiya zauyty (PMHZ ýlesi – 35%), Atyrau múnay óndeu zauyty (AMÓZ ýlesi – 25%).

«Biyl 15 nauryzdan bastap Shymkent múnay óndeu zauyty kýrdeli jóndeuge jabyldy, osyghan baylanysty Almaty qalasynda diyzeli otynyn jetkizu toqtatyldy. Osy kezende PMHZ men AMÓZ-den diyzeli otynyn jetkizu shamamen 12 myng tonnany qúrady. Býginde iri jelilik JQS jәne qalanyng múnay bazalarynda shamamen 8,8 myng tonna diyzeli otyny bar, 4-5 kýn ishinde shamamen 4,7 myng tonna jetkiziledi dep kýtilude», - delinedi әkimdikting habarlamasynda.

Songhy uaqytta qalada Almaty oblysynyng túrghyndary, sonday-aq tranzittik kólik iyeleri tarapynan diyzeli otynyna degen súranys artty, búl tútynudyng bir mezgilde 30-35%-gha ósuine sebep boldy jәne jekelegen JMQS-gha ýzilispen jetkiziluine (rezervuarlardyng uaqtyly tolmauyna) әkeldi. Qala túrghyndaryn, avtobus parkteri men kommunaldyq qyzmetterdi qamtamasyz etu maqsatynda jekelegen janarmay qúy beketterine diyzeli otynynyng shekteuli shygharylymy engizildi.

«Shymkent múnay óndeu zauytynda óndiris qayta bastalghannan keyin jaghday túraqtanady dep kýtilude. QR Energetika ministrligining aldyn ala aqparaty boyynsha, PKOP jóndeu júmystary aghymdaghy jyldyng sәuir aiynyng birinshi onkýndiginde ayaqtalady», - dep habarlady әkimdikte.

Abai.kz