اكىمدىكتىڭ مالىمەتىنشە، الماتىدا قازىر 213 اۆتوجانارماي قۇيۋ ستانتسياسى جۇمىس ىستەيدى، ونىڭ ىشىندە 6 ءىرى جەلىگە 176 جانارماي قۇيۋ بەكەتى كىرەدى (82% تيەسىلى). الماتىعا ءۇش مۇناي وڭدەۋ زاۋىتىنان ججم جەتكىزىلەدى. ولار: شىمكەنت «پەترو قازاقستان ويل پروداكتس» مۇناي وڭدەۋ زاۋىتى (پكوپ ۇلەسى – 40%), پاۆلودار مۇناي-حيميا زاۋىتى (پمحز ۇلەسى – 35%), اتىراۋ مۇناي وڭدەۋ زاۋىتى ء(اموز ۇلەسى – 25%).

«بيىل 15 ناۋرىزدان باستاپ شىمكەنت مۇناي وڭدەۋ زاۋىتى كۇردەلى جوندەۋگە جابىلدى، وسىعان بايلانىستى الماتى قالاسىندا ديزەل وتىنىن جەتكىزۋ توقتاتىلدى. وسى كەزەڭدە پمحز مەن ءاموز-دەن ديزەل وتىنىن جەتكىزۋ شامامەن 12 مىڭ توننانى قۇرادى. بۇگىندە ءىرى جەلىلىك جقس جانە قالانىڭ مۇناي بازالارىندا شامامەن 8,8 مىڭ توننا ديزەل وتىنى بار، 4-5 كۇن ىشىندە شامامەن 4,7 مىڭ توننا جەتكىزىلەدى دەپ كۇتىلۋدە»، - دەلىنەدى اكىمدىكتىڭ حابارلاماسىندا.

سوڭعى ۋاقىتتا قالادا الماتى وبلىسىنىڭ تۇرعىندارى، سونداي-اق ترانزيتتىك كولىك يەلەرى تاراپىنان ديزەل وتىنىنا دەگەن سۇرانىس ارتتى، بۇل تۇتىنۋدىڭ ءبىر مەزگىلدە 30-35%-عا وسۋىنە سەبەپ بولدى جانە جەكەلەگەن جمقس-عا ۇزىلىسپەن جەتكىزىلۋىنە (رەزەرۆۋارلاردىڭ ۋاقتىلى تولماۋىنا) اكەلدى. قالا تۇرعىندارىن، اۆتوبۋس پاركتەرى مەن كوممۋنالدىق قىزمەتتەردى قامتاماسىز ەتۋ ماقساتىندا جەكەلەگەن جانارماي قۇيۋ بەكەتتەرىنە ديزەل وتىنىنىڭ شەكتەۋلى شىعارىلىمى ەنگىزىلدى.

«شىمكەنت مۇناي وڭدەۋ زاۋىتىندا ءوندىرىس قايتا باستالعاننان كەيىن جاعداي تۇراقتانادى دەپ كۇتىلۋدە. قر ەنەرگەتيكا مينيسترلىگىنىڭ الدىن الا اقپاراتى بويىنشا، پكوپ جوندەۋ جۇمىستارى اعىمداعى جىلدىڭ ءساۋىر ايىنىڭ ءبىرىنشى ونكۇندىگىندە اياقتالادى»، - دەپ حابارلادى اكىمدىكتە.

Abai.kz