Qogham arasynda «Auyl» partiyasynyng qos deputatyna qatysty mәsele qyzu talqylanyp jatyr. Ekeui de byltyr Qazaqstan preziydenttigine ýmitker bolghan. Azamattyq belsendiler birin deputattyq mandattan aiyru ýshin petisiya jariyalasa, birin jauapty orynda otyrugha moraldyq haqysy joq dep aiyptaydy.

Mәjiliske bara sala basy daugha qalghan Qaraqat Ábden preziydenttike ýmitker bolghan kezinde de shet el azamattaryna túrmysqa shyqqan qazaq qyzdaryna salyq salu turaly aitqan edi. Ol Mәjilisting alghashqy otyrysynda da osy aitqanyn qaytalady. Búdan keyin belsendiler Q.Ábden QR Konstitusiyasynyng 39-babyn búzdy dep narazylyq bildirdi. Búghan keri dәiek keltirip, deputatty jaqtaghan azamattardyng da qarasy az emes. Songhy sheshimdi Qaraqat Ábden men «Auyl» partiyasy aitady. Al kózi ashyq, kókiregi oyau, oily oqyrman atalghan jaydyng aq-qarasyn ózi anyqtay jatar.

Qogham tarapynan qarsylyqqa úshyraghan ekinshi deputattyng esim-soyy – Jiguly Dayrabaev. Búl azamat ta byltyrghy preziydent saylauyna týsken. Sol kezde onyng úldaryna qatysty alayaqtyq babymen qylmystyq is qozghalghany turaly aqparat taraghan bolatyn. Jaqynda Taraz qalasy №2 soty subsidiyalardy úrlau turaly is boyynsha ýkim shyghardy. Qylmystyq kodeksting 190-baby 4-bóligi 2-tarmaghy alayaqtyq, yaghny adamdarmen aldyn ala sóz baylasu arqyly asa iri mólsherde bótenning mýlkin jymqyru nemese aldau nemese senimdi teris paydalanu jolymen bóten mýlikke qúqyqty iyemdenu boyynsha 4 adamgha qatysty qylmystyq is qaralghan. Onyng ekeui Dayrabaevtyng úldary – kәsipkerler Marat Dayrabaev jәne Didar Moldaqalyq. Ol turaly aqparatty Abai.kz saytynda búghan deyin jariyaladyq. «Auyl» partiyasynyng tóraghasy Oralov Meyrambay Áskerbayúly partiyalasynyng sýtten aq, sudan taza ekenin, sonday-aq myqty maman ekenin aityp, atalghan jayt ony deputattyq mandattan aiyrugha negiz bola almaytynyn algha tartty. J.Dayrabaev bolsa, úldaryn es biletin azamattar dep, qoghamdaghy narazylyqty әrkimning jeke pikiri dep biletinin jetkizdi.

Abai.kz