Astanada eks-preziydentting kenje qyzy Áliya Nazarbaevagha qatysy bar atyshuly «ÓKM operatory» kompaniyasyna qatysty basty sot otyrysy ótip jatyr, dep habarlaydy Ulysmedia.kz.

Ayyptalushylar qatarynda búrynghy ekologiya viyse-ministri Ahmetjan Pirimqúlov, ÓKM operatorynyng búrynghy tóraghasy Medet Qúmarghaliyev, búrynghy qarjy diyrektory Rustam Temirbek jәne búrynghy bas diyrektor Svetlana Korotenko bar.

Prokuror aiyptau aktisin oqyghannan keyin sudiya sottalushylardan taghylghan «ayyp týsinikti me jәne onymen kelisesiz be?» dep súrady.

«Moyyndamaymyn, eshqanday qylmys jasaghan joqpyn», - dep jauap berdi Ahmetjan Pirimqúlov.

Qúmarghaliyev te taghylghan aiyppen kelispeytinin aityp, oghan dәleli baryn mәlimdedi.

Rustam Temirbek taghylghan aiyptyng mәnin týsinbeytinin mәlimdedi. Ol «ÓKM operatory» JShS kәdege jaratu zanmen bekitilgenge deyin Áliya Nazarbaevanyng tirkeuinde bolghanyn aitty. Onyng ýstine, ol is boyynsha kórsetilgen kompaniyalardyng barlyghy Nazarbaevagha tiyesili ekenin atap ótti.

«Onyng ýy kýtushisi emes, Áliya Nazarbaevanyng ózi edi. Ol tikeley negizin qalaushy. Kinәm nede ekenin týsinbeymin, ekologiyalyq kodekske qatysty barlyq mindettemeler oryndaldy. Ayyptaular qisynsyz, men kinәni moyyndamaymyn», - dedi Temirbek.

Svetlana Korotenko da taghylghan aiyppen kelispeydi.

«Men búl aktpen týbegeyli kelispeymin. Týsindirme de, dәleldi bólik te joq. Eshqanday kelisim bolghan emes. Aktty oqyghanda mening familiyamnyng ornyna basqa kisining esimi boluy kerek degen oy payda boldy. Sol esimning nege atalmaghanyn týsinemin. Olay bolsa, men múnda bolmas ta edim. Prokuror aitqanday, men 20 adamnan túratyn júmys tobyn, viyse-ministrlerdi adastyrdym-mys. Búl absurd. Men qylmys jasaghan joqpyn. Men kinәni moyyndamaymyn », - dedi Korotenko.

Abai.kz