Qazaqstandyq sportshy 35 jastaghy Vladimir Sedov qaytys boldy. Qaraly habardy Qazaqstan auyr atletika federasiyasy jetkizgen.

«Keshe keshkisin tәjiriybeli auyr atlet Vladimir Sedov dýniyeden ótti. 2008 jylghy Olimpiada qatysushysy, Qazaqstannyng birneshe dýrkin chempiony jәne rekordsmeni Vladimir Sedov bala kezinen sportqa shyn berilgen jan edi. Erekshe jetistikteri ýshin «Qúrmet» ordenimen marapattalghan. Auyr atletika federasiyasynyng újymy Vladimirding otbasyna, tughan-tuystary men jaqyndaryna qayghysyna ortaqtasyp kónil aitady»,-dep jazady federasiya Facebook paraqshasynda.

Qazir Vladimir Sedovtyng ólimine qatysty qylmystyq is qozghaldy.

«35 jastaghy auyr atletting denesi ózi túratyn mekenjayy Qaratal audanyndaghy Dostyq auylynan tabyldy. Denesinen zorlyq-zombylyq belgileri anyqtalghan joq. Marqúmnyng tuystarynyng bergen týsiniktemesine sәikes, er azamat óz-ózine qol júmsaghan. Qazir osy suisid faktisine oray qylmystyq is qozghaldy», - delingen Jetisu oblystyq polisiya departamenti baspasóz qyzmetining habarlamasynda.

Qazir tergeu QR Qylmystyq kodeksining 105-baby, yaghny óz-ózine qol júmsaugha jetkizu faktisi boyynsha jýrip jatyr.

Vladimir Sedov 1988 jyly 2 nauryzda Ýshtóbede dýniyege kelgen.

Sedovtar әuletinde tórt bala bar. Vladimir jastayynan sportpen ainalysqan.

Aghasy Sergey Sedov jattyqtyrushylyqpen ainalysady, Almaty oblysy auyr atletika federasiyasynyng jattyqtyrushysy bolghan. Qazir auyr atletikadan Qazaqstan erler qúramasynyng bapkeri.

Vladimir Sedov Qazaqstan Respublikasynyng enbek sinirgen sport sheberi, halyqaralyq dәrejedegi sport sheberi edi.

Foto: ghalamtordan

Abai.kz