Qyrghyzstanda Serik Kýdebaevtyng isi boyynsha 5 adamgha aiyppúl salyndy. Búl turaly 24.kg habarlady.

«Qazaqstandyq general Serik Kýdebaevtyng qashyp ketu faktisi boyynsha qylmystyq isting bes qatysushysy sottaldy», - delingen habarlamada.

Búghan deyin barlyq aiyptalushylar kinәsin moyyndau turaly kelisimge qol qoyghany naqtylanghan.

«Is boyynsha tórt aiyptalushy – qarapayym túrghyndar, taghy biri – ÚQKD Shekara qyzmetining búrynghy qyzmetkeri ekeni belgili. Isti respublikanyng Áskery prokuraturasy jýrgizdi. Tergeu ayaqtalghannan keyin materialdar sotqa berildi. Aldyn ala mәlimetter boyynsha, barlyq aiyptalushylargha 350 myng som aiyppúl salyndy», – dep habarlady redaksiya.

Eske salayyq, biyl sәuirde Almaty oblysy PD eks-basshysy Serik Kýdebaev 10 jylgha sottaldy.

Sot ýkimi shyqpay túryp, Qyrghyzstan arqyly Týrkiya asqan búrynghy general aqyry týrik elinde jýrgen jerinen ústalyp, elge әkelindi.

Ol Qantar oqighasy kezinde  «auyr zardaptargha әkep soqqan qyzmettegi әreketsizdigi» ýshin aiyptalghan bolatyn.

Abai.kz