Almatylyqtar qala әkimining qyzmetine riza emes. Tayauda shahar basshysy «ornyn bosatsyn» degen petisiya jariyalandy. Alash.online saytynda jaryq kórgen petisiyagha 45 336 adam dauys bergen, onyng 32 209-y «Dosaev ketsin» dese, 13 127-si «qalsyn» depti.

«Erbolat Dosaev Almatygha әkim bolyp saylanghaly túrghyndardyng problemasy kóbeydi. Qúrylysqa tyiym salynghan jerlerde ómiri bitpeytin qúrylys júmystary, jóndeudi qajet etpeytin joldardy qayta jasau, jiyektastardy auystyru júmystary jýrip jatady», - delingen petisiyada.

Avtordyng jazuynsha, kýni keshe Seyfullin kóshesindegi kópirding sapaly tas qabyrghalaryn alyp tastap, sapasyz qytaylyq tastargha auystyrghan.

«Búl tek budjetten kóbirek aqsha aludyng amaly», - deydi avtor.

Petisiyada QR preziydenti Qasym-Jomart Toqaevtan Almaty qalasynyng әkimi Erbolat Dosaevty ornynan alyp tastau súralghan.

Bir qyzyghy, petisiya jariyalanghannan keyin 7 shildede Dosaevtyng otstavkasyna qarsylar sany kenet ósip, 12 mynnan bir-aq shyqqan. Belsendiler múnyng Reseylik bottardyng әreketi ekenin anyqtady. Kórshi elding bottary Almaty qalasynyng әkimi ornynda qalsyn dep dauys bergen.

Sonday-aq petisiyada әkimning brifingterde shahar túrghyndarynyng súraqtaryna jauap beru mәneri kópshilikke únamaytyny jazylghan.

Biyl nauryzda Dosaev halyqpen kezdesu kezinde problemasyn aityn shaghynghan túrghyngha dóreki jauap bergeni ýshin syngha úshyraghan.

Ayta keteyik Erbolat Dosaev qalagha әkim bolyp taghayyndalghan alghashqy kýnderden bastap-aq qarsylyqqa úshyraghan. Ol 2022 jyly 31 qantarda qyzmetke keldi. Al 5 aqpan kýni almatylyqtar «Ákimdi saylaudy ózimizge qaldyrsyn» dep, Dosaevtyng taghayyndalghanyna qarsy mitingke shyqty.

Erbolat Dosaev qantar oqighasynan keyin ornynan bosatylghan búrynghy әkim Baqytjan Saghyntaevtyng ornyna kelgen.

Ol Lancaster Holding-ting tórtten birine jәne Qazinvestbankting iri ýleskeri boldy (memlekettik qyzmetke auysqannan keyin aktivter basqarmagha berildi).

Dosaev Forbes-ting 50 bayynyng qataryna kiredi, onyng baylyghy shamamen 110 million AQSh dollary.

Abai.kz