Qantar oqighalary kezinde Almaty әuejayyn basyp aldy degen aiyppen 5 adam 4-8 jylgha sottaldy. Ýkimdi Almatynyng Nauryzbay audandyq soty shyghardy.

Sot aiyptalushylardy kinәli dep tanyp, jurnalist Áygerim Tileujandy 4 jylgha bas bostandyghynan aiyrdy.

Qalas Núrpeyisov, Núrlan Dәlibaev, Ermúhamet Shilibaev pen Janaydar Kәrmenov 8 jylgha sottaldy.

Tileujanova men Núrpeyisov jappay tәrtipsizdik úiymdastyrdy (QR QK 272-babynyng 1-bóligi) dep aiyptalsa, Dәlibaev, Shilibaev jәne Kәrmenov әuejaydyng strategiyalyq obektileri men «KazAeroNavigasiya» RMK shabuyl jasau jәne basyp alu kezinde zorlyq-zombylyq, órteu, mýlikti qiratu jәne joimen qatar jýrgen jappay tәrtipsizdikke (QR QK 272-babynyng 2-bóligi) qatysty degen kýdikke ilindi.

Sot zalyna jinalghan kópshilik, aiyptalushylargha berilgen jazanyng әdiletsiz ekenin aityp jatty.

Áleumettik jelide de әuejaydy basyp aldy dep sottalghandardyng jazasy shekten shyqqan qataldyq ekenin jazyp jatqandar kóp. Sonyng birsypyrasyn nazarlarynyzgha úsynayyq.

Ámirjan Qosan, sayasatker: Preziydent beybit "qantarshylargha" raqymshylyq jasaydy dep senemin!

«2011 jylghy Janaózen tragediyasy kezinde múnayshylargha arasha týsken azamat, jurnalist, sayasatker retinde qandy Qantargha baylanysty sottalghan barsha beybit azamattargha qatysty sottardyng aiyptau sheshimderine qarsylyghymdy bildiremin!

Naghyz terrorist, naghyz býlikshil, әuejaydy ghana emes, bas biylikti basyp alghysy kelgender – basqalar! Olardyng birazynyng aty atalmay jatyr!

Qantar kezinde qan tógilgeni ras. Naghyz terrorister men óz halqyna qarsy oq atqandar jazalansyn!

Qandy Qantardyng ssenariyshileri men rejisserlary qayda?! Myqty bolsa, sot solardy jauapqa tartsyn!

Meninshe, Qantar túsynda preziydentke búrmalanghan aqparat bergen repressiyalyq mashinanyng qyzmeti әli de tolastamay túr! Sony toqtatatyn uaqyt keldi!

Qarapayym azamattar memleketke, onyng túraqtylyghyna qauip tóndirip túr degenge senbeymin: memleket qaupi - óz ishinde!

Sondyqtan da azamattardyng osynshama qatal jaza aluy týsiniksiz. Tipti, belgili bir zang búzushylyqqa jol bergenning ózinde jaza dәl osynday qatal bolmauy kerek edi.

Kerisinshe, osynday, birjaqty, sayasy renki bar, halyqtyng ashu-yzasyn tudyratyn sot sheshimderi elding preziydentke degen, onyng Jana Qazaqstan qúru bastamasyna degen senimine kólenke týsiredi dep sanaymyn.

2019 jylghy preziydent saylauyna qatysqan ýmitker retinde osy joly preziydent Toqaev ózining konstitusiyalyq qúqyn paydalanyp, Qantar kezinde beybit sheruge qatysqan barsha sottalghandargha raqymshylyq jasaydy dep senemin!

Qogham men preziydent arasynyng odan sayyn ashylyp ketu qaupine jol bermeytin birden-bir qadam osy boluy kerek!»

Ermúrat Bapi, Mәjilis deputaty:

«IYә, jalghyz qyz aeroportty basyp aludy úiymdastyrdy degen estigen qúlaqtan úyat. Biraq qantar jazalaushylary telegraf baghanyn qylmyske qylyp shygharsa, an-tang bola almaytyn kýlkili jaghdaygha jettik.

Men Áygerim qaryndasymdy birazdan beri bilemin, taza azamattyq ústanymnyng adamy! Túla boyynda bóten oy joq, elding ózgeruine tәnti jastardyng biri.

Aygerim abaqtyda otyrghanda da, ýiqamaqta da habarlasyp túrdym. Al endi sotty bop, qamalyp keter bolsa, әriyne deputattyq pәrmenmen arasha týsemiz. Ókinishke qaray kanikulgha shyqqan kýnnen beri mertigip qalyp, ýiden shygha almay otyrmyn. Qoldau kórsetuding qamymen sotqa qatysu kerek edi... Amal joq!»

Múhtar Týmenbay, jurnalist:

«Jurnalister odaghynyng tóraghasy Seytqazy Mataevty sottaghanda da, belgili jurnalist Arman Shoraevty da qamaugha alghanda da aitqanmyn. Taghy da qaytalap aitamyn. Jurnalistterdi qudalaghannan, sottaghannan, qamaghannan biylik esh opa tappaydy Kerisinshe, songhy abyroylarynan airylyp tynady. Sony úqpasa, demek biylikte óz–ózin saqtau instinktining bolmaghany».

Abai.kz