Qyrghyzstan men Resey Qazaqstandy ainalyp óte ala ma?

Songhy uaqytta Resey Qazaqstandy ainalyp ótip, Qyrghyzstan jәne Ózbekstanmen tikeley sauda jasamaq degen aqparattar kóp jaryq kórdi. Ol Resey men Qyrghyzstan medialarynda taraldy. "Qazaqstan shekarasyn ashpasa, onsyz da ómir sýre alamyz", - degen oilar aityldy. Qazaqstannyng Qyrghyzstannan Reseyge baratyn tauarlardy sanksiyany saqtau sharalarynyng ayasynda úzaghyraq teksere bastaghany ras. Sebebi olay istemesek, AQSh pen Euroodaqtyng ekinshi sógisi anaghúrlym qatandau bolady. Sondyqtan elektrondy qúraldar tiyelgen furalar tolyq tekseristen ótip jatqanda, onyng artynda kezekpen túrghan jemis-jiydek tiyegen jýk kólikteri úzaghyraq kýtip qaluda.

Shynymen Qyrghyzstan Qazaqstandy ainalyp óte ala ma?

Aldymen, qyrghyz-orys tauar ainalymyn saraptap kórsek. 2022 jyly ol shamamen 2,5 milliard dollardy qúrady. Onyng 1,5 milliard dollary Reseyding Qyrghyzstangha eksporty. Qyrghyzstan Reseyden janar-jagharmay, mazut, aghash alyp otyr. Al byltyr Qyrghyzstannyng Reseyge jibergeni - 963 million dollardyng tauary boldy. Qyrghyzstan soltýstik kórshige negizinen mys, mys ónimderi, avtokólik, kiyim-keshek, smartfon, elektronika men jemis-jiydek (shiye) eksporttaghan.

Resey de, Qyrghyzstan da bir-birine baratyn tauarlaryn Qazaqtan arqyly, qúrlyqpen jiberedi. Ómir boyy solay bolyp keldi. Basqa jol da joq. Biraq qazir Qyrghyzstan Reseyding Kaspiy tenizi arqyly Týrkimenstangha shyghatyn, odan keyin Ózbekstan, ary qaray Qyrghyzstangha ótetin tranzittik jol turaly iydeyasyn qyzu qoldap otyr. Búl iydeya bayaghydan beri qaghaz jýzinde keledi. Ony shyn mәninde jýzege asyru ýshin ýlken investisiyalar kerek. Biraq odan da manyzdysy - "Týrkimenstannyng vizalyq rejiymi" degen sayasy mәsele sheshimin taba ma?

Ontýstik transporttyq koridor Týrkimenstansyz júmys istey almaydy. Ortalyq Aziyadaghy bes elde Qazaqstannan basqa tek Týrkimenstanda ghana Kaspiyge shyghatyn jer bar. Demek, Qyrghyzstannan shyqqan sanksiyaly tauar (elektronika, optika) tiyegen fura aldymen Ózbekstangha, odan keyin Týrkimenstannyng "Týrkmenbashy" portyna baruy tiyis. Artynan barjagha tiyelip, Astrahandaghy "Olya" portyna jetedi. Ary qaray, Mәskeu, Peterbor jaqqa tartady.

Dәl osy jerde ýsh problema bar:

1. Týrkimenstan әr furagha bólek viza súrap otyr (1 jylgha, jarty jylgha ashyp qoi degen joq);
2. Furany tiyep, Kaspiymen jýretin eski barja ghana bar. Oghan 13 fura ghana siyady. Al ekonomikalyq tiyimdi bolu, barja aqyny arzan alu ýshin siymdylyghy keminde 50 fura boluy tiyis;
3. Resey úsynyp otyrghan "Olya" portynda dym jaghday joq. Resey Kaspiydegi porttyq infraqúrylymdy mýlde damytpaghan bolatyn. Kýshting bәri Qara teniz ben Baltyq jaghalauyna júmsaldy. Kaspiydi búghan deyin Resey tranzittik jol retinde eseptemey keldi.

Búl jol shynymen júmys istey bastauy ýshin, tipti eger Týrkimenstandy "tranzittik bezviyzgha" kelistire alghan jaghdayda, 3-4 jyl jәne qomaqty investisiya kerek. Resey "Olya" portyn retteuge federaldy aqsha joqtyghyn algha tartady. Qyrghyzstan payda tauyp otyrghandyqtan, shyghynnyng jartysyn qyrghyzdar kótersin degen pikirde.

Qyrghyzstan Reseyge eksportyn 1,5 esege ósirdi. Qazirgi onyng әlemge jiberetin eksportynda Resey ýlesi 44 payyzdy qúraydy. 20 payyzy Qazaqstangha barady. Qazaqstan ózi tranzittik hab bolghysy keletindikten, Qordayda Qorghas modelimen qúrlyqtyq port, shekaralyq sauda ortalyghyn salatyn josparlaryna qarap, biz elimizding Qyrghyzstannan keletin tranzitke kerisinshe mýddeli ekenin kóremiz. Qyrghyzstan jaghdaydy paydalanyp, sanksiyalyq tauary bar, basqasy bar Reseyge jónelte bastady. Biraq búl bizde otyrghan, AQSh, Euroodaqtan kelgen qadaghalaushylardyng kózine týsude.

Qazaqstan Qyrghyzstannan óz budjeti ýshin aqsha tabuyna qarsy emes. Biraq sanksiyagha ilingen tauarlardy ótkize almaydy. Al Bishkek ýshin dәl osy tauarlar óz qúnyna birneshe ese ýsteme qosylghandyqtan, naghyz kiristing kózi bolyp otyr.

Asyqpay saraptay kele, Ontýstik transporttyq potoktyng taza "blef" ekenin bayqaymyz. Ol Qazaqstangha әsheyin qyr kórsetu. Resey ishtey "Olya" portyn qayta jóndegennen kóri, Qazaqstandy kelistiru onay dep sanaydy. 50 fura tasityn barja da joq.

Al bizge qazir osy Ontýstik transporttyq potoktyng qúryghanda sanksiyalyq elektronika men optikany ózine alghany dúrys edi. Sonda Qyrghyzstannan Qazaqstan arqyly Reseyge mys, nәsky men kolerlengen shie ghana tasylsa, bizding de Batys aldynda arymyz taza bolady. Bizge kirmey ótetyn sanksiyalyq tauarlargha qatysymyz bolmaydy. Biraq ol kezde de, mәselening bәri Serdar bahadýr men artynda kólenkesi qyltiyp túrghan Arkadagqa kelip tireledi.

Arkadag - jebeushi degen úghymdy bildiredi. Sizding de, bizding de ertengi bolashaghymyz jebeushige baylanysty.

Aybar Oljaev

Abai.kz