Shymkent qalasy әkimining orynbasary Maqsút Isahov «jemqorlyq jasady» degen kýdikpen ústaldy. Búl turaly QR Últtyq qauipsizdik komiytetining baspasóz qyzmeti jariyalady.

«2023 jylghy 20 shildede Últtyq qauipsizdik komiyteti Prokuraturanyng ýilestiruimen jemqorlyq jasady degen kýdikpen Shymkent qalasy әkimining orynbasary M.Isahovty ústady.

Búl fakt boyynsha sotqa deyingi tergep-tekseru jәne barlyq qajetti jedel-tergeu is-sharalary jýrgizilude. Qylmystyq-prosestik kodeksting 201-babyna sәikes ózge aqparat tergeu mýddesinde jariya etuge jatpaydy», - delingen resmy aqparatta.

Isahovtyng ústalghany turaly aqparat býgin tanerteng telegram-arnalarda payda bolghan. Shymkent qalasynyng әkimi Múrat Áytenov orynbasarynyng ústalghany jóninde qanday da bir pikir aitpaghan.

Isahov búghan deyin Almaty, Astana, OQO-da birqatar lauazymdy qyzmetterdi atqarghan. ShQO-da oblys әkimi apparaty basshysynyng orynbasary, Óskemen qalasy әkimining orynbasary, QR Preziydenti әkimshiligi Memlekettik baqylau jәne úiymdastyru bólimining inspektory bolghan.

Shymkent qalasy әkimining orynbasary qyzmetine 2020 jyldyng aqpanynda taghayyndalghan.

«Qazaqstan Respublikasynyng memlekettik qyzmeti turaly» 2015 jyldyng qarashasynda qabyldanghan № 416-V Zany bar. Sonyng 60-shi baby: «Memlekettik sayasy qyzmetshilerding otstavkagha shyghuy jәne qyzmetten shygharyluy» dep atalady.

Atalghan baptyng 3.1 tarmaghy, 5-shi tarmaqshasynda: «Ózining orynbasary, әkim apparatynyng basshysy, ózi jetekshilik etetin, jergilikti budjetten qarjylandyrylatyn atqarushy organnyng basshysy sybaylas jemqorlyq qylmys jasaghan kezde, osy tarmaqtyng 2) tarmaqshasynda kórsetilgen adamdardy qospaghanda, әkim otstavkagha ótinish beredi», - dep taygha tanba basqanday jazylghan.

Jogharyda «jemqorlyq jasady» degen kýdikpen ústalghan Maqsút Isahov – Shymkent qalasy әkimi Múrat Áytenovting orynbasary. «Qazaqstan Respublikasynyng memlekettik qyzmeti turaly» zang talaptaryna salatyn bolsaq, Isahovtyng qylmysy dәleldengen jaghdayda Shymkent әkimi Áytenov óz erkimen otstavkagha ketui nemese ony Aqorda qyzmetten aluy kerek. Alayda, Qazaqstan praktiasynda orynbasary para alyp, qylmysy dәlendense de, qyzmeten alynbaghan әkimder bolghan. Siz qalay oilaysyz, әkim Áytenov qyzmetten kete me?

Abai.kz