شىمكەنت قالاسى اكىمىنىڭ ورىنباسارى ماقسۇت يساحوۆ «جەمقورلىق جاسادى» دەگەن كۇدىكپەن ۇستالدى. بۇل تۋرالى قر ۇلتتىق قاۋىپسىزدىك كوميتەتىنىڭ ءباسپاسوز قىزمەتى جاريالادى.

«2023 جىلعى 20 شىلدەدە ۇلتتىق قاۋىپسىزدىك كوميتەتى پروكۋراتۋرانىڭ ۇيلەستىرۋىمەن جەمقورلىق جاسادى دەگەن كۇدىكپەن شىمكەنت قالاسى اكىمىنىڭ ورىنباسارى م.يساحوۆتى ۇستادى.

بۇل فاكت بويىنشا سوتقا دەيىنگى تەرگەپ-تەكسەرۋ جانە بارلىق قاجەتتى جەدەل-تەرگەۋ ءىس-شارالارى جۇرگىزىلۋدە. قىلمىستىق-پروتسەستىك كودەكستىڭ 201-بابىنا سايكەس وزگە اقپارات تەرگەۋ مۇددەسىندە جاريا ەتۋگە جاتپايدى»، - دەلىنگەن رەسمي اقپاراتتا.

يساحوۆتىڭ ۇستالعانى تۋرالى اقپارات بۇگىن تاڭەرتەڭ تەلەگرام-ارنالاردا پايدا بولعان. شىمكەنت قالاسىنىڭ اكىمى مۇرات ايتەنوۆ ورىنباسارىنىڭ ۇستالعانى جونىندە قانداي دا ءبىر پىكىر ايتپاعان.

يساحوۆ بۇعان دەيىن الماتى، استانا، وقو-دا بىرقاتار لاۋازىمدى قىزمەتتەردى اتقارعان. شقو-دا وبلىس اكىمى اپپاراتى باسشىسىنىڭ ورىنباسارى، وسكەمەن قالاسى اكىمىنىڭ ورىنباسارى، قر پرەزيدەنتى اكىمشىلىگى مەملەكەتتىك باقىلاۋ جانە ۇيىمداستىرۋ ءبولىمىنىڭ ينسپەكتورى بولعان.

شىمكەنت قالاسى اكىمىنىڭ ورىنباسارى قىزمەتىنە 2020 جىلدىڭ اقپانىندا تاعايىندالعان.

«قازاقستان رەسپۋبليكاسىنىڭ مەملەكەتتىك قىزمەتى تۋرالى» 2015 جىلدىڭ قاراشاسىندا قابىلدانعان № 416-V زاڭى بار. سونىڭ 60-ءشى بابى: «مەملەكەتتىك ساياسي قىزمەتشىلەردىڭ وتستاۆكاعا شىعۋى جانە قىزمەتتەن شىعارىلۋى» دەپ اتالادى.

اتالعان باپتىڭ 3.1 تارماعى، 5-ءشى تارماقشاسىندا: «ءوزىنىڭ ورىنباسارى، اكىم اپپاراتىنىڭ باسشىسى، ءوزى جەتەكشىلىك ەتەتىن، جەرگىلىكتى بيۋدجەتتەن قارجىلاندىرىلاتىن اتقارۋشى ورگاننىڭ باسشىسى سىبايلاس جەمقورلىق قىلمىس جاساعان كەزدە، وسى تارماقتىڭ 2) تارماقشاسىندا كورسەتىلگەن ادامداردى قوسپاعاندا، اكىم وتستاۆكاعا ءوتىنىش بەرەدى»، - دەپ تايعا تاڭبا باسقانداي جازىلعان.

جوعارىدا «جەمقورلىق جاسادى» دەگەن كۇدىكپەن ۇستالعان ماقسۇت يساحوۆ – شىمكەنت قالاسى اكىمى مۇرات ايتەنوۆتىڭ ورىنباسارى. «قازاقستان رەسپۋبليكاسىنىڭ مەملەكەتتىك قىزمەتى تۋرالى» زاڭ تالاپتارىنا سالاتىن بولساق، يساحوۆتىڭ قىلمىسى دالەلدەنگەن جاعدايدا شىمكەنت اكىمى ايتەنوۆ ءوز ەركىمەن وتستاۆكاعا كەتۋى نەمەسە ونى اقوردا قىزمەتتەن الۋى كەرەك. الايدا، قازاقستان پراكتياسىندا ورىنباسارى پارا الىپ، قىلمىسى دالەندەنسە دە، قىزمەتەن الىنباعان اكىمدەر بولعان. ءسىز قالاي ويلايسىز، اكىم ايتەنوۆ قىزمەتتەن كەتە مە؟

Abai.kz