Mәdeniyet jәne sport ministri Ashat Oralov Ýkimet otyrysynan keyin kәsipqoy boksshy Beybit Shýmenovting ainalasyndaghy shugha qatysty týsinik berdi.

«Shýmenov turaly mynany aitamyn, qazir qúqyq qorghau organdary ainalysyp jatyr. Ishki ister ministrligi pikir bildirip te qoydy. Resmy qorytyndydan keyin qosymsha týsinik bildire alamyz. Ol is qazir qúqyqtyq alanda qaralyp jatyr. Osyghan baylanysty birneshe baspasóz habarlamasy da shyqty», - dedi Ashat Oralov.

Vedomstvo basshysy zang aldynda býkil qazaqstandyqtyng qúqyghy men mindeti birdey ekenin eske saldy.

«Búl – qúqyqtyq alan, әr adam kәsibine, qyzmetine qaramastan, óz sózi men әreketi ýshin jauap beredi, onyng ýstine jeke ómiri bolsa. Sondyqtan ol óz әreketi ýshin qúqyqtyq alanda jauap beredi», - dedi ministr.

«Beybit Shýmenovke osy jaghdaydan keyin Qazaqstan aumaghynda sportpen ainalysugha tyiym salyna ma?», - dep súrady jurnalist.

Ashat Oralov qazir búl ispen qúqyq qorghau organdary ainalysyp jatqandyqtan әzirge kiylige almaytyndaryn aitty.

«Qúqyq qorghau orandarynyng júmysynan keyin, qorytyndysy shyqqannan keyin pikir bildireyik. Sottyng tiyisti sheshimi shyghady, sodan keyin ghana týsinik bere alamyn. Qazir biz kiylige almaymyz», - dedi ministr.

Eske salayyq, sportshy Beybit Shýmenov memleketaralyq izdeuge jariyalandy. Ol biylghy 18 mausymda Astanadaghy «Mega Silkway» sauda, oiyn-sauyq ortalyghynda qolyna bala ústaghan er adamdy úryp-soqty dep ayyptalyp otyr. Elordanyng Polisiya departamenti Qylmystyq kodeksting 293-baby (búzaqylyq) boyynsha sotqa deyingi tergeu amaldaryn jýrgizip jatyr.

Kinәsi dәleldense ol 5 jylgha deyin bas bostandyghynan ayyryluy mýmkin.

Boksshy әleumettik jelidegi paraqshasy arqyly óz әreketin týsindirmek te boldy.

Abai.kz